ب ۇلىڭعىر بوياۋ – بيازى بەينە

بەلگىلى سۋرەتشىنىڭ ىرگەلى ەڭبەگى ەل ىشىندە ۇلكەن بەدەلگە يە. اسىرەسە ونەر سالاسىندا جۇرگەن جاندار ءا دەگەننەن-اق تانيدى. ءبىز اۆتوردىڭ «پورترەت سەسترى» اتتى تۋىندىسىن «اپ­كە» دەپ تارجىمالادىق. سە­بە­بى شىعارمانىڭ دۇنيەگە كە­لۋىنە وسى ءبىر اياۋلى ءسوز نەگىز بولعانداي. الىستان ءبىر مەيى­رىم ەسەدى. ۇلتتىق مۋزەي­دە ورنا­لاس­قان كارتينا وقىر­ماننىڭ وي ۋى­سىندا ۇزاق ساقتالاتىنى انىق.

1970-جىلدارداعى قا­زاق كەسكىندەمە ونەرى 1960-جىل­دار­داعى جاڭالىقتى لوگيكالىق جانە دايەكتى تۇردە دامىتا وتىرىپ, وزىندىك قولتاڭباسىن قال­دىردى. بەينەلەردىڭ ساندىك مانەرلىلىگىمەن, ىرعاقتى ت­ە­رەڭدىگىمەن جانە سيم­ۆول­دىق شارتتىلىعىمەن كو­رەر­مەن­دى ەلەڭ ەتكىزدى. ار­بىر­دەن سوڭ ال­پىسىنشى جىل­دار­داعى رو­مانتيكالىق تۇجى­رىم­داما­لاردى بايىتا وتىرىپ, ۇلتتىق كەسكىندەمە مەكتەبىنىڭ تاري­حىنداعى جاڭا ماڭىزدى كەزەڭ ءتۇزدى. وسى كەزەڭدە پورترەت باسقا جانرلار يەرارحياسىندا ءوزىن جاي عانا نىعايتىپ قويعان جوق, كوشباسشىسىنا اينالدى. ساليحيتدين ايتباەۆ وسى جانردا جەمىستى ەڭبەك ەتكەن سۋرەتشىلەردىڭ ءبىرى بولاتىن.

قىلقالام شەبەرىنىڭ «اپ­كە» تۋىندىسى رەاليستىك مانەر­مەن جازىلعان. سۋرەتشى كەنەپ بەتىنە جۇمساق ورىندىقتا وتىرعان بويجەتكەندى بەينەلەگەن. اۆتور پىشىندەۋ ءۇشىن تاڭبا ءتۇرىن پايدالانادى. قىزدىڭ كيىمىندەگى تۇستەردىڭ جالپاق تەگىس تاڭبالارى سۋىق ناقىشتى پاننو جاساپ تۇر. سۋرەتشى قىز­دىڭ ارتىنداعى فوندى بەرۋ ءۇشىن تۇستەر مەن تاڭبالاردى ەرەكشە ويناتا وتىرىپ, رەڭى وتە ادەمى كىلەم توقيدى.

ءار الۋان پىشىندەردىڭ بوياۋ­لارى  ءارتۇرلى باعىتتا جاعىل­عان. كارتينانىڭ بۇكىل بەتىن تولتىرىپ تۇرعان ۇيلەسىمدى ورىلگەن ءۇشبۇرىشتار مەن شار­شىلاردىڭ اراسىندا پورترەت يەسىنىڭ بەتى مەن قولى ەرەكشە كوزگە تۇسەدى. بويجەتكەننىڭ باي­سالدى ءجۇزى, ويلى كوزدەرى نازار­دى وزىنە تارتادى. ءبىر قولىن كىتاپتىڭ اشىق بەتىنە قويعان. ول كوڭىلىن ءبىر ساتكە وقۋدان ءبولىپ, بىزگە قاراپ تۇرعانداي...

اۆتور ءۇشىن اياۋلى بەينەنىڭ اسقاق پورترەتىن جازۋ وڭاي بول­ماعان سەكىلدى. سۇلۋدىڭ جۇ­زىنە ۇڭىلسەڭىز ءبىر كىربىڭ بار. وقى­مىستى ارۋدىڭ ويلى كوز­قاراسى ءسىز بەن ءبىزدى ءارتۇرلى ويعا جەتەلەيدى. سىرتقى بولمىسىنا ەمەس, جان دۇنيەسىنە جارىق شاشقانداي. بوياۋلار بىزگە بىرنارسە ايتقىسى كەلىپ تۇرعانداي...

شىنىندا, ساليحيتدين ايتباەۆ ءوز تۋىندىلارىندا با­لالاردىڭ, ايەلدەردىڭ, قارت­تاردىڭ بەينەسىن بار ىنتاسىمەن جازادى. مۇنداعى قۇپيا كەيىپكەرىنىڭ سىرت كەلبەتى ەمەس, ىشكى الەمى. شەبەر كەز كەل­گەن مودەلىنىڭ جان-كۇيىن جا­نا­رى­نان سويلەتەدى.