سوكولوۆ-سارىباي كەن ءوندىرۋ بىرلەستىگىندەگى كەن دايىنداۋ جانە بايىتۋ فابريكاسىنىڭ №3 جانە 5 كەپتىرۋ جەلىلەرىن جاڭارتۋ-جاڭعىرتۋ جۇمىستارى اياقتالدى. ول كاسىپورىننىڭ ينۆەستيتسيالىق باعدارلاماسىنىڭ اياسىندا ءجۇرگىزىلدى. كەپتىرۋ ۋچاسكەسى – فابريكادا ەڭ ماڭىزدى نىساننىڭ ءبىرى.
سوكولوۆ-سارىباي كەن ءوندىرۋ بىرلەستىگىندەگى كەن دايىنداۋ جانە بايىتۋ فابريكاسىنىڭ №3 جانە 5 كەپتىرۋ جەلىلەرىن جاڭارتۋ-جاڭعىرتۋ جۇمىستارى اياقتالدى. ول كاسىپورىننىڭ ينۆەستيتسيالىق باعدارلاماسىنىڭ اياسىندا ءجۇرگىزىلدى. كەپتىرۋ ۋچاسكەسى – فابريكادا ەڭ ماڭىزدى نىساننىڭ ءبىرى.
– كونۆەيەرلى كولىكپەن بايىتۋ ۋچاسكەسىنەن ىلعالدىلىعى 9,8 پايىز كونتسەنترات كەلىپ تۇسەدى. تۇتىنۋشىعا ءتيىستى ساپاداعى كونتسەنترات قاتىپ قالماس ءۇشىن كەپتىرۋ جەلىلەرىندە ىلعال كورسەتكىشى 3 پايىزعا دەيىن تومەندەتىلەدى, – كەپتىرۋ ۋچاسكەسىنىڭ باستىعى پەتراش ەۆگەني دايىن ءونىمدى الۋ تەحنولوگياسىن وسىلاي تۇسىندىرەدى. قازىر ۋچاسكەنى جارتىلاي جاڭارتۋ جۇمىستارى جۇرگىزىلگەن. جاڭا جابدىق ساعاتىنا 200 توننا كونتسەنتراتتى كەپتىرە الادى, ال بۇرىنعى ەسكى ۇلگىدەگى كەپتىرۋ جەلىلەرى ساعاتىنا 155 تونناعا عانا ۇلگەرەتىن ەدى. شيكىزات ءونىمدىلىگىن ارتتىرۋ جانە ساپاسىن جاقسارتۋ فابريكا كەشەنىندە ءوندىرىس كولەمىن ۇزدىكسىز ارتتىرۋدىڭ كەپىلى.
كەپتىرۋ جەلىلەرىن جيناقتاۋ ىرگەتاستى ورناتۋ, كەپتىرۋ باراباندارىن, گاز تازارتۋ جۇيەلەرىن مونتاجداۋ, جىلۋ گەنەراتورىن توسەۋ سياقتى اۋقىمدى جۇمىستار تىزبەسىن قامتىدى. جاڭارتۋ قالاقتى ساپتامالاردىڭ ىشكى سۇلباسىن وزگەرتۋدى قاراستىردى. ولاردىڭ اراسىنداعى اراقاشىقتىقتى ۇلعايتۋ كونتسەنتراتتى جاقسى كەپتىرۋگە اسەر ەتەدى.
– تەحنيكالىق قايتا جابدىقتاۋ جانە جاڭارتۋ-جاڭعىرتۋ جۇمىستارى فابريكا كەشەنىنىڭ بارلىق ۋچاسكەلەرىندە جۇزەگە اسىرىلادى. بۇگىندە قۋاتتىلىقتى جاڭارتا وتىرىپ, ءوندىرىستىڭ تۇراقتىلىعى مەن ونىمدىلىكتىڭ ارتۋىنا قول جەتكىزۋگە بولادى. مۇنىڭ بارلىعى دا تۇتىنۋشىلاردىڭ جوعارى ساپالى ءونىمدى الۋلارىنا كاسىپورىن ۇجىمىنىڭ مۇددەلىلىگىنەن تۋىندايدى, – دەيدى «سسكوب» اق پرەزيدەنتى مۇحامەدجان تۇرداحۋنوۆ.
كەپتىرۋ جەلىلەرىن جاڭارتۋ جۇمىستارى بيىلعى جىلى دا جالعاسادى. وسى كەزەڭگە قالعان ءتورت جەلىنى اۋىستىرۋ جوسپاردا بار.
ءنازيرا جارىمبەتوۆا,
«ەگەمەن قازاقستان».
رۋدنىي.
