وبلىستىڭ اقجايىق اۋدانىندا بۇل تاڭدا بارلىق مەنشىكتە 61 808 ءىرى قارا, 176 568 ۋاق مال, 18 318 جىلقى بار. بۇل بىلتىرعى وسى كەزەڭمەن سالىستىرعاندا ءتيىسىنشە 4,3, 8,5 جانە 12 پايىزعا ارتىق. وتكەن جىلى شارۋا قوجالىقتارى 352 باس اسىل تۇقىمدى ءىرى قارا, سونىڭ ءىشىندە 125 باس اتالىق ساتىپ الدى, مۇنداي ت ۇلىكتەردىڭ سانى دا جىل وتكەن سايىن ارتىپ كەلەدى.
وبلىستىڭ اقجايىق اۋدانىندا بۇل تاڭدا بارلىق مەنشىكتە 61 808 ءىرى قارا, 176 568 ۋاق مال, 18 318 جىلقى بار. بۇل بىلتىرعى وسى كەزەڭمەن سالىستىرعاندا ءتيىسىنشە 4,3, 8,5 جانە 12 پايىزعا ارتىق. وتكەن جىلى شارۋا قوجالىقتارى 352 باس اسىل تۇقىمدى ءىرى قارا, سونىڭ ءىشىندە 125 باس اتالىق ساتىپ الدى, مۇنداي ت ۇلىكتەردىڭ سانى دا جىل وتكەن سايىن ارتىپ كەلەدى.
ال جاڭا جىلمەن بىرگە تاعى ءبىر كەلگەن جاقسىلىق بۋدارين اۋىلدىق وكرۋگىندەگى «امانەر» شارۋا قوجالىعىنا كورشىلەس رەسەيدىڭ ورىنبور وبلىسىنداعى پەرۆومايسكي اۋدانىنان 100 باس قازاقتىڭ اقباس سيىرلارىنىڭ قاشارى اكەلىندى. فۋرمانوۆ اتىنداعى اۋىلشارۋاشىلىق ءوندىرىستىك كووپەراتيۆىنەن ساتىپ الىنعان بۇل ت ۇلىكتەردىڭ ءبىزدىڭ وزىمىزدەگى اقباس سيىرلارعا قاراعاندا ءبىر وزگەشەلىگى – تۇستەرى كۇرەڭدەۋ. شارۋا قوجالىعىنىڭ يەسى قانات دوسقاليەۆ سونداي-اق, «ورىنبورلىق» قاشارلاردىڭ ىرىرەك تۇرپاتىنا قىزىققانىن جاسىرمايدى. ونىڭ قونىسىندا سيىرلاردى جاساندى ۇرىقتاندىرۋ پۋنكتى جۇمىس جاسايدى, ارنايى ۇرىقتاندىرۋشى-تەحنيك بار. قازىر ۆەتەرينارلىق-سانيتارلىق تالاپتارعا ءسايكەس, قاشارلار كارانتينگە قويىلىپ, وبلىستىق ۆەتەرينارلىق زەرتحاناسىمەن كەلىسىمشارت جاسالىپ, مال كەسەلىنە قارسى زەرتتەۋ جۇمىستارى ءجۇرگىزىلۋدە. ق.دوسقاليەۆ اتالعان مالدى اۋداننىڭ وزىندە 2012 جىلدىڭ كۇزىندە ىسكە كىرىسكەن «اقجايىقاگرو» نەسيە سەرىكتەستىگىنەن يەلەنگەن 30 ملن. تەڭگەگە ساتىپ الدى. ايتا كەتەيىك, «اقجايىقاگرو» سوعان دەيىن 7 شارۋا قوجالىعىنا ءوز تىرلىكتەرىن جانداندىرۋ ءۇشىن 16 ملن. 600 مىڭ تەڭگە قارجى بەرۋ ءمۇمكىندىگىن تاپتى. بۇگىنگە 22 شارۋا قوجالىعى جانە ءبىر جشس قۇرىلتايشىسى بولىپ تابىلاتىن بۇل نەسيە سەرىكتەستىگىنە جۇگىنۋشىلەر قاتارى كوبەيە تۇسۋدە. بيىل «اقجايىقاگرو» كەم دەگەندە 120 ملن. تەڭگە نەسيە بەرۋ مۇمكىندىگىن قاراستىرىپ وتىر.
تەمىر قۇسايىن,
«ەگەمەن قازاقستان».
باتىس قازاقستان وبلىسى.
