ۇدەمەلى يندۋستريالىق-يننوۆاتسيالىق دامۋ مەملەكەتتىك باعدارلاماسىنىڭ اياسىندا 2010-2018 جىلدار ارالىعىندا وبلىستا 38 جوبانى جۇزەگە اسىرۋ كوزدەلگەن. بەلگىلەنگەن جوسپار بويىنشا قازىرگە دەيىن 29 جوبا ىسكە قوسىلىپ, 4 مىڭنان اسا جۇمىس ورىندارى اشىلدى.
ۇدەمەلى يندۋستريالىق-يننوۆاتسيالىق دامۋ مەملەكەتتىك باعدارلاماسىنىڭ اياسىندا 2010-2018 جىلدار ارالىعىندا وبلىستا 38 جوبانى جۇزەگە اسىرۋ كوزدەلگەن. بەلگىلەنگەن جوسپار بويىنشا قازىرگە دەيىن 29 جوبا ىسكە قوسىلىپ, 4 مىڭنان اسا جۇمىس ورىندارى اشىلدى. ونىڭ ىشىندە كولەمى 21 ميلليارد تەڭگەنى قۇرايتىن جانە 626 جۇمىس ورنىمەن قامتاماسىز ەتكەن 8 ينۆەستيتسيالىق جوبا وتكەن جىلى ءوز جۇمىسىنا كىرىستى. ءبىر جوبانىڭ تۇساۋى سول جىلدىڭ سوڭىنا دەيىن كەسىلسە, 5 جوبا بيىلعى جىلى, ال 3 جوبا 2015-2018 جىلدارى ەل يگىلىگىنە بەرىلەدى. ەلدىڭ الەۋمەتتىك جاعدايى مەن ەكونوميكاسىنا ۇلەس قوسقان جاڭا جوبالاردىڭ 19-ى نەمەسە 66 پايىزىنىڭ «مەكەنجايى» اۋداندارعا تىركەلگەن.
دەي تۇرساق تا, وبلىستا قيىن تۇيىنگە اينالىپ وتىرعان ءبىر جوبا بار. ول – مويىنقۇم اۋدانىنداعى «ACIG» اق دەپ اتالاتىن حانتاۋ تسەمەنت زاۋىتى. بۇل كومپانيا جۇمىسى اينالىم قاراجاتىنىڭ جەتكىلىكسىزدىگىنەن ءونىم وندىرە الماي, توقتاپ تۇر. قازىرگى ۋاقىتتا وسى ءتۇيىندى جوبا بويىنشا جاڭا ينۆەستور تابىلعان. قيىن شاقتا قول ۇشىن بەرگەن قارجى يەسىنىڭ ايتۋىنشا, كومپانيا جاقىن ۋاقىتتا ىسكە كىرىسىپ, 2014 جىلدىڭ العاشقى جارتىسىنان باستاپ ءونىم وندىرە باستاماق.
كوسەمالى ساتتىباي ۇلى,
«ەگەمەن قازاقستان».
جامبىل وبلىسى.
