«Ashyq جۇيەسىنىڭ فۋنكتسيونالدىعىن جاقسارتۋ جانە ونىڭ جۇمىسىنا كۇندەلىكتى باقىلاۋ جاساۋدى ۇمىتپاۋ ماڭىزدى. جۇيەنىڭ وپەراتورى «اتامەكەن» كاسىپكەرلەر پالاتاسى بولعانىنا قاراماستان, وعان بيزنەس نىساندارىن ەنگىزۋ ايتارلىقتاي ۇزاق بيۋروكراتيالىق پروتسەسس دەگەن اقپارات بار. جۇيەگە جاڭا نىساندى ەنگىزۋ تالابىن جەڭىلدەتۋدى قايتا قاراۋ قاجەت. ۇكىمەتتەن وسى ماسەلەنى شەشۋىن سۇرايمىن», دەدى پرەزيدەنت.
قاسىم-جومارت توقاەۆتىڭ ايتۋىنشا, مەملەكەت Ashyq جانە باسقا دا ساندىق قۇرالداردى قولداناتىن بيزنەستى قولداۋى كەرەك. ەكىنشى جاعىنان, وسىنداي باقىلاۋ شارالارىن ەلەمەيتىن كاسىپكەرلەر قاتاڭ جازالانۋى كەرەك. بۇل ماسەلە اكىمدەردىڭ ەرەكشە باقىلاۋىندا بولۋى ءتيىس.
