قازاقستاندىق ديپلومات ەلشىنىڭ قازاقستاندا قىزمەت اتقارعان جىلدارى ىشىندە ەكىجاقتى ەكونوميكالىق بايلانىستاردى نىعايتۋعا قوسقان ناتيجەلى جۇمىسىن اتاپ ءوتتى. تاراپتار سىرتقى ساياسي ۆەدومستۆولارى باسشىلارى اراسىنداعى تۇراقتى بايلانىستارىنىڭ وڭ ديناميكاسىن اتاپ ءوتىپ, جوعارعى جانە اسا جوعارى دەڭگەيدەگى ءوزارا ساپارلاردى ۇيىمداستىرۋ جونىندەگى جوسپارلاردى تالقىلادى.
ەكىجاقتى ساۋدانىڭ ەداۋىر كولەمى مەن قازاقستانعا قۇيىلعان يتالياندىق ينۆەستيتسيالاردى نازارعا الا وتىرىپ, ەكىجاقتى ساۋدا-ەكونوميكالىق جانە ينۆەستيتسيالىق ىنتىماقتاستىقتى ودان ءارى تەرەڭدەتۋ قاجەتتىگىنە اسا نازار اۋدارىلدى. وسى مانماتىندە سۇحباتتاستار ەكىجاقتى ەكونوميكالىق ءوزارا ءىس-قيمىل دامۋىنىڭ ناتيجەلى قۇرالىنا اينالعان ونەركاسىپتىك جانە ەكونوميكالىق ىنتىماقتاستىق بويىنشا قازاقستاندىق-يتالياندىق ۇكىمەتارالىق جۇمىس توبىنىڭ ءرولى اتالىپ ءوتىلدى.
سۇحباتتاستاردىڭ پايىمداۋىنشا, 2022 جىلى الماتىدا اشىلۋى جوسپارلانعان يتاليا مادەنيەتى ءينستيتۋتى ەكى مەملەكەتتىڭ حالىقتارى اراسىندا مادەني-گۋمانيتارلىق بايلانىستاردىڭ دامۋىنا سەرپىن بەرەدى. كەزدەسۋ قورىتىندىسى بويىنشا ە.الىمباەۆ يتالياندىق ديپلوماتقا بولاشاق اتقارار قىزمەتىنە ساتتىلىك تىلەپ, ول ارقاشاندا قازاقستاننىڭ اسىعا كۇتەتىن قوناعى بولىپ قالا بەرەتىندىگىن جەتكىزدى.
