«پاندەميا باستالعالى بەرى كوپتەگەن قىزمەت ونلاين فورماتقا كوشتى. دەگەنمەن ورتالىققا كەلىپ, وفلاين قىزمەت سۇراۋشىلار سانى ازايماي وتىر. ازاماتتاردى قابىلداۋ كەزەكتى الدىن-الا برونداۋ ارقىلى جۇرگىزىلەدى. جارتىجىلدىقتا 72 334 ەلەكتروندى-تسيفرلى كىلت بەرىلىپ, 36 879 اۆتوكولىك قۇرالى, 28 933 جىلجىمايتىن م ۇلىك نىسانى تىركەۋدەن وتكەن. بۇل وبلىس تۇرعىندارى ەڭ كوپ جۇگىنەتىن مەملەكەتتىك قىزمەتتەر», دەيدى «ازاماتتارعا ارنالعان ۇكىمەتتىڭ» بقو بويىنشا فيليالىنىڭ ديرەكتورى نادير قۇرىمباەۆ.
ايتا كەتەيىك, بۇگىندە حالىققا قىزمەت كورسەتۋ بولىمدەرىندە 659 مەملەكەتتىك قىزمەت كورسەتىلەدى. باتىس قازاقستان وبلىسىندا وسىنداي 17 ءبولىم جانە 1 مامانداندىرىلعان ءبولىم جۇمىس ىستەيدى. جاقىن ارادا ورال قالاسىندا حقو بولىمدەرىندەگى كەزەكتى ازايتۋ ماقساتىندا وزىنە-ءوزى قىزمەت كورسەتەتىن 10 بەكەت اشىلدى.
«وڭىردە پاندەمياعا بايلانىستى ەپيدەميولوگيالىق احۋال كۇردەلى بولۋىنا بايلانىستى ءبىزدىڭ بولىمدەرگە الدىن-الا برونداپ كەزەك الىپ كەلگەن كليەنتتەردىڭ ءوزى Ashyq جۇيەسى ارقىلى تەكسەرۋدەن وتەدى. ازاماتتاردان اراقاشىقتىقتى ساقتاپ, بەتپەردە تاعىپ, سانيتارلىق نورمالاردى ساقتاۋدى سۇرايمىز», دەيدى «ازاماتتارعا ارنالعان ۇكىمەت» مەملەكەتتىك كورپوراتسياسى» باتىس قازاقستان وبلىسى بويىنشا فيليالىنىڭ ءباسپاسوز حاتشىسى اقنۇر نۇرعاليەۆا.
باتىس قازاقستان
