وندىرىستىك كووپەراتسيالار داميدى

ساپار بارىسىندا ءوڭىردى مىڭ­داعان جۇمىس ورنىمەن قامتاماسىز ەتەتىن اۆتوموبيل جاساۋ سالا­سىن­ىڭ, اۋىل شارۋا­شىلىعى تەح­ني­كاسى ءون­دىرىسىنىڭ, سونىمەن بىرگە كوم­پونەنتتىك بازانىڭ جاڭا ال­دىڭعى قاتار­لى جوبالارى تابىس­تى جۇ­مىس ىستەيتىن جانە ىسكە قوسىلۋ­عا دايىندالىپ جات­قان ايماق­تىڭ ونەركاسىپتىك مۇم­كىندىكتەرى كورسەتىلدى.

سونىمەن, «سارىار­قااۆ­تو­ونەر­كاسىپ» زاۋىتىندا اۆتوۆاز پرە­زيدەنتى نيكوليا مور­دىڭ قا­تىسۋىمەن LADA اۆتوموبيلدەرىن بىرلەسىپ شىعارۋ باستاۋ الدى. دەمەك زاۋىتتىڭ وندىرىستىك الا­ڭىندا LADA اۆتوكولىكتەرىنىڭ بارلىق مودەلى: Niva Travel, Niva 4ح4, Vesta, X-RAY, Largus ي Granta شىعارىلادى. LADA Granta اۆتوموبيلدەرىنىڭ ءون­دىرىسى اۆ­تو­كولىكتەردى بوياۋ وپەرا­تسيا­لا­رىن قولدانۋمەن قاتار شاعىن تو­راپ­تى ءادىسىن (CKD) قام­تيدى. سو­نى­مەن بىرگە قازىرگى ۋاقىت­تا وتان­­دىق زاۋىتتا LADA ءاۆتو­مو­بي­لىن وقشاۋلاۋدى ودان ءارى ارتتى­رۋ ما­ق­­ساتىندا وسى مودەلدىڭ شا­ناق­­­تارىن دانەكەرلەۋ بويىن­شا جو­عارى تەحنولوگيالىق وندىرىس­تىك وپە­راتس­يالاردى دامىتۋ جۇ­مىستارى جالعاسۋدا. ءون­دى­­رىس ءۇشىن قاجەتتى جاڭا جۇ­مىس ورىندارى ۇيىم­داستىرىلدى.

ۇكىمەتتىك دەلەگاتسيا «رەنو رەسەي» باس ديرەكتورى يان پتاچەكتىڭ قاتىسۋىمەن جاقىندا Arkana جانە Kaptur مودەلدەرىن شى­عارۋ جونگە كەلتىرىلگەن «سا­رىارقااۆتوونەركاسىپ» زاۋى­تىن­­داعى Renault وندىرىستىك جەلىسى­نىڭ جۇمىسىن قاراپ شىقتى. قازاق­ستان پرەمەر-ءمينيسترىنىڭ ورىنباسارى «كاماز» جاق باس ديرەك­­تورى سەرگەي كوگوگينمەن جاڭا ۇل­گى­­­دەگى ك5 كاماز جاڭا مو­دەل­­دىك قاتارىنىڭ جۇك تەحنيكاسى­نا ار­نالعان شويىن قۇيماسى كوم­پو­نەنت­تەرىن شىعاراتىن KamLitKZ زاۋىتى قۇرىلىسىنىڭ بارىسىمەن تانىستى.

رومان سكلياردىڭ قاتىسۋىمەن جەتەكشى بەلدىكتەردىڭ باستى بەرى­لىستەرىن ءوندىرۋ جونىن­دەگى كاماز زاۋىتىن سالۋ جوبا­سى بويىنشا جاڭا ينۆەستيتسيا­لىق كەلىسىمشارتقا, سونداي-اق قازاق­ستان سىرت­قى ىستەر مينيستر­لىگى, ين­دۋس­تريا جانە ينفراقۇرى­لىم­دىق دامۋ مينيستر­لىگى مەن KamLitKZ اراسىندا وسى كوم­پو­نەنتتەردى ونەركاسىپتىك قۇراستىرۋ تۋرالى كەلىسىمگە قول قويىلدى. قازاقستاندىق ءوندىرىس ونىمدەرى نابەرەجنىە چەلنى قالاسىنداعى (تاتارستان, رف) «كاماز» باس زاۋىتىنىڭ كون­ۆە­يەرىنە جەتكىزىلەدى. جاڭا جو­با­عا سالىنعان ينۆەستيتسيا شا­مامەن 82 ملرد تەڭگەنى قۇراي­دى. قازاق­ستان زاۋىتىندا جانە ونى­مەن شەكتەس سالالاردا 600-دەن اسا جاڭا جۇمىس ورنى قۇرى­لا­دى. جوبا «ونەركاسىپتىك دامۋ قورى» اق قاتىسۋىمەن جۇزەگە اسىرىلۋدا. قر پرەمەر-ءمي­نيسترى ورىن­باسارىنىڭ, رف ونەر­كاسىپ­تىك ساۋدا مينيسترلىگى وكىلى­نىڭ, «كاماز» جاق باس ديرەك­تورىنىڭ جانە «اۆتوۆاز» اق پرەزيدەنتىنىڭ قاتىسۋىمەن وتكەن كەزدەسۋ قورىتىندىسى بويىنشا قازاقستان اۋماعىندا جاڭا ينۆەستيتسيالىق جوبالاردى ىسكە اسىرۋ جونىندەگى 8 نەگىزگى قۇجاتقا قول قويىلدى.