ناۋرىز ايىنىڭ سوڭىندا اتالعان جوعارى وقۋ ورىندا ەگۋ جۇمىستارى باستالعان. قازىرگى ۋاقىتتا مۇنداعى وقىتۋشىلار مەن قىزمەتكەرلەردىڭ 98% ۆاكتسينا الىپ, سىياقىعا يە بولدى.
– العاشقى بولىپ مەن ەكپە الدىم. قالاي دەگەنمەن كورونوۆيرۋس ينفەكتسياسىنىڭ بەتى قايتا قويعان جوق. سودان كەيىن ارىپتەستەرىم دە ۆاكتسينا الا باستادى. الدىڭعى قاتاردا م.دۋدكين, ا.حاپين, م.ميزەرنايا, ن.كۋلەنوۆا سىندى پروفەسسورلارىمىز ەگىلدى. وسى ورايدا اكادەميك ب.دياچكوۆتى ەرەكشە اتاپ وتكىم كەلەد. ول ءوزى توقسانعا تاياسا دا, ۆاكتسينا الدى. اسكەري كافەدرا, رەداكتسيالىق باسپا ءبولىمى, ىشكى قاۋىپسىزدىك قىزمەتى سياقتى كوپتەگەن بولىمشەلەر العاشقىلاردىڭ ءبىرى بولىپ ۆاكتسينا الدى, – دەيدى وقۋ ورىننىڭ رەكتورى جاسۇلان شايماردانوۆ.
وسىلايشا ۇجىم ءوزىنىڭ بىرلىگى مەن جاۋاپكەرشىلىگىن كورسەتىپ, ۇجىمدىق يممۋنيتەتتى قولدادى. ستۋدەنتتەرگە دە ءتۇسىندىرۋ جۇمىستارى جۇرگىزىلدى. ولاردىڭ كوبى ۆاكتسيناتسيا قاجەت ەكەنىن ءتۇسىنىپ وتىر.
ۋنيۆەرسيتەت باسشىسىنىڭ پىكىرىنشە, ۇجىمدىق يممۋنيتەت قالىپتاسقاندىقتان, 1 قىركۇيەكتە وقۋ پروتسەسى ءداستۇرلى فورماتتا باستالۋى مۇمكىن.
شىعىس قازاقستان وبلىسى
