ونىڭ ايتۋىنشا, الماتىداعى ەپيدەميالوگيالىق جاعدايدىڭ كۇرت ناشارلاۋىنا بايلانىستى قۇربان ايت نامازى قالا مەشىتتەرىندە وقىلمايدى. ايت نامازىنىڭ ورنىنا اركىم ءوز ۇيىندە 2 راكات ناماز وقۋى ۇسىنىلادى.
سونداي-اق قۇربان ايت كۇندەرى ەلدىڭ بازاردان مال تاڭداپ الىپ, ونى ءوز قولىمەن سويۋىنا جانە كوپشىلىك ءىس-شارالاردى وتكىزۋىنە مۇمكىنشىلىگى بولمايدى.
«بۇل جاۋاپتى دا, ساۋاپتى امالدى مۋفتياتقا قاراسىتى مەشىتتەر شاريعاتتاعى وكىل قۇرباندىعى, ياعني بىرەۋدىڭ ورنىنا باسقا ادام وكىل بولىپ, قۇربان شالۋ قاعيداسىنا سۇيەنە وتىرىپ قاشىقتان قۇربان شالۋدى ۇيىمداستىرادى. بىلتىرعى تاجىريبەگە سۇيەنىپ, باس مۋفتي باستاماسىمەن كارانتين تالاپتارىن ەسكەرە وتىرىپ, حالىقتىڭ دەنساۋلىعىن ساقتاۋ ماقساتىندا قۇربان شالۋ شاراسىن وتكىزۋ ءۇشىن قۇربان-2021 اتتى ونلاين قايىرىمدىلىق اكتسياسى قولعا الىندى. ول ءۇشىن ارنايى Kurban2021.kz سايتى قايتا ىسكە قوسىلىپ, قاشىقتان قۇربان شالۋدىڭ ءجون-جوسىعى مەن الگوريتمى ءتۇزىلدى», دەدى قالانىڭ باس يمامى.
الماتى وكىلدىگى بويىنشا قاشىقتان قۇربان شالۋ ءىسىن ۇيلەستىرەتىن ارنايى جۇمىس توبى قۇرىلعان. ولار تاپسىرىس الۋدان باستاپ, مال سويۋ, ۆيدەو ەسەپ جولداۋ, ەتتى مۇقتاج جاندارعا تاراتۋ سىندى جۇمىستاردى جۇرگىزەدى.
«سايت ارقىلى قۇرباندىققا تاپسىرىس بەرۋ 15 شىلدەدەن باستاپ 22 شىلدە ساعات 14.00-گە دەيىن جالعاسادى. پاندەمياعا بايلانىستى قاشىقتان قۇربان شالۋعا تاپسىرىس بەرۋشىلەرگە قۇربان ەتتەرى بەرىلمەيدى, ەتتەر تۇگەلدەي مۇقتاج جاندارعا تابىستالادى», دەدى وسپان تولەبي.
