ايماقتار • 16 شىلدە، 2021

باتىس قازاقستاندا ءبىر كۇندە 5179 ادام ەكپە الدى

15 رەت كورسەتىلدى

باتىس قازاقستان وبلىسىندا كوروناۆيرۋستىق ينفەكتسيا بويىنشا ەپيدەميولوگيالىق جاعداي كۇردەلى كۇيىندە تۇر. سوڭعى اپتادا اۋرۋشاڭدىق دەڭگەيى 13%-عا وسكەن. وڭىردە حالىقتىڭ جاپپاي ەكپە الۋ قارقىنى دا جوعارىلادى دەپ حابارلايدى Egemen.kz.

پاندەميا باستالعالى بەرى وبلىستا 27 819 ادام كوروناۆيرۋسقا شالدىققان بولسا، بيىلعى شىلدە ايىنىڭ باسىنان بەرى COVID-19-دى 2836 باتىسقازاقستاندىق جۇقتىرعانى انىقتالدى. بىلتىردان بەرى وسى دەرتتەن 458 ادام كوز جۇمدى.

اسىرەسە سوڭعى اپتادا وتكەن اپتامەن سالىستىرعاندا اۋرۋشاڭدىق دەڭگەيى 13%-عا وسكەنى بايقالعان. اۋىرعاندار ورال قالاسىندا، بايتەرەك، ءبورلى اۋدانىندا كوپ.

كارانتيندىك تالاپتارعا بايلاپنىستى رەسەي فەدەراتسياسىمەن اراداعى مەملەكەتتىك شەكارادان وتۋشىلەر قاتاڭ باقىلاۋعا الىنعان. 1 شىلدەدەن باستاپ وبلىس اۋماعىنداعى شەكارا بەكەتتەرىنەن بارلىعى 19375 ادام وتسە، سونىڭ ىشىندە 2 جولاۋشىدان، 8 جۇرگىزۋشىدەن كوروناۆيرۋس انىقتالىپ، وقشاۋلانعان. اي باسىنان بەرى وڭىردە 34 503 مارتە پتر زەرتتەۋى جاسالىپتى.

سوڭعى اپتا ىشىندە مونيتورينگ توپتار ەلدىمەكەندەردە 285 رەيد جۇرگىزىپ، 1166 نىساندى تەكسەرگەن. سونىڭ 24-ىندە كارانتين ءتارتىبى بۇزىلعاندىعى انىقتالىپ، 29 حاتتاما بويىنشا كىنالىلەرگە 2 771 150 تەڭگە ايىپپۇل سالىنعان.

قازىر وڭىردە بارلىعى 602 نىسان «Ashyq» قوسىمشاسى بويىنشا قىزمەت كورسەتەدى. سوڭعى اپتادا «قىزىل» مارتەبەسى بار – 5، «سارى» مارتەبەسى بار – 8 ادام انىقتالىپ، جەكە تۇلعالارعا 306 285 تەڭگە كولەمىندە ايىپ سالىنعان.

ەلدەگى جانە وڭىردەگى كۇردەلى ەپيدەميولوگيالىق احۋالدى كورىپ وتىرعان تۇرعىندار الدىن الا ەكپە الۋدىڭ پايداسىن تۇسىنە باستاعان سىڭايلى. ۆاكتسينالاۋ ءىسى وبلىستا بيىلعى 1 اقپاندا باستالعان، قازىر وڭىردە 66 ەكپە بەكەتى جۇمىس ىستەپ تۇر. وبلىسقا ۆاكتسينانىڭ 320 050 دوزاسى كەلىپ تۇسكەن، ونىڭ باسىم بولىگى رەسەيلىك «سپۋتنيك V» بولسا، 7 مىڭ دوزا «QAZVAس»، 50 مىڭ دوزا «Hayat - Vax» جانە قىتايدا وندىرىلگەن 16 مىڭ دوزا «CoronaVac» ۆاكتسيناسى بار.

«جالپى وبلىس كولەمىندە ۆاكتسينانىڭ ءى كومپونەنتىمەن 147 610 ادام ەگىلدى. ەكپەنىڭ قوس كومپونەنتىن العان باتىسقازاقستاندىقتاردىڭ سانى 80 970 ادام. ماۋسىم ايى باستالعالى حالىقتىڭ ۆاكتسينا الۋ ىرعاعى ارتتى. تۇرعىندارعا ىڭعايلى بولۋ ءۇشىن ەمحانالارداعى ەگۋ پۋنكتتەرى ساعات 23.00-گە دەيىن جۇمىس ىستەپ تۇر. ايتا كەتەيىك، 12 شىلدە كۇنى وبلىس اۋماعىندا 5 179 ادام ەكپە الدى، بۇل ازىرگە رەكوردتىق كورسەتكىش»، دەيدى باتىس قازاقستان وبلىستىق دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى ارمان قاليبەكوۆ.

 

باتىس قازاقستان

سوڭعى جاڭالىقتار

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

پورترەتتەگى پاراسات

ەلباسى • كەشە

ۇقساس جاڭالىقتار