بۇل تۋرالى قر ۇلتتىق بانكىنىڭ قولما-قول اقشا اينالىمى دەپارتامەنتىنىڭ بانكنوتتار مەن مونەتالاردى ساراپتاۋ باسقارماسىنىڭ باستىعى اسكات مۇقاماديەۆ مالىمدەدى.
جالپى, قازاقستاننىڭ بانكتەرى 336 جالعان اقشا بەلگىلەرىن انىقتادى, بۇل وتكەن جىلدىڭ سايكەس كەزەڭىندەگى كورسەتكىشتەن از.
وتكەن جىلدىڭ وسى كەزەڭىندە وسىنداي 390 بانكنوت تابىلعان ەدى. كوبىنەسە نومينالى 2 000 جانە 5 000 تەڭگەلىك كۋپيۋرالار قولدان جاسالعان. بۇل جالپى كولەمنىڭ 65% جانە 19%. قالعان 16% باسقا نومينالداعى بانكنوتتار مەن مونەتالارعا تيەسىلى. جالعان اقشانىڭ كوپ بولىگى الماتى مەن نۇر-سۇلتان قالالارىندا انىقتالدى.
ء«بىر قاراعاندا, ولار بىردەي بولۋى مۇمكىن, بىراق بانكنوتتى مۇقيات قاراپ شىققاننان كەيىن ونىڭ جالعان ەكەنى انىق كورىنەدى. تۇپنۇسقا بانكنوتتار ايقىن بەينەلەرىمەن ەرەكشەلەنەدى, ميفتىك سامۇرىق قۇسى تۇرىندەگى سۋ بەلگىسى, نومينالى, سونداي-اق جارىققا انىق كورىنەتىن قورعانىش جىپتەرى بار», دەپ اتاپ ءوتتى اسكات مۇقاماديەۆ.
