Ranking.kz ساراپشىلارىنىڭ جازۋىنشا, بيىلعى جىلدىڭ ءبىرىنشى توقسانىندا قازاقستانعا كەلىپ-كەتكەن تۋريستەردىڭ سانى وتكەن جىلدىڭ سايكەس كەزەڭىمەن سالىستىرعاندا ايتارلىقتاي تومەندەگەن. سايكەسىنشە 6,4 جانە 3,3 ەسە ازايىپ, 218,3 مىڭ جانە 527,9 مىڭ ادامعا دەيىن كەمىگەن.
ادامدار ىشكى تۋريزمگە كوبىرەك كوڭىل بولە باستاعان. مۇندا تۋريستەر سانى ءبىر جىل ىشىندە 10,4% ءوسىپ, 931,1 مىڭ ادامعا جەتتى. سايكەسىنشە, ادامداردى ورنالاستىرۋ سانى دا ءبىر جىل ىشىندە 1,3% ءوسىپ, 3539-عا جەتتى.
ال تۋريست قابىلداۋ ورنىنداعى قىزمەتكەرلەردىڭ سانى, كەرىسىنشە, 10,4%-عا, 26,4 مىڭ ادامعا دەيىن تومەندەدى. ال ماۋسىمدىق جۇمىسشىلار سانى بىردەن ەكى ەسەگە ازايىپ, 199 ادامعا جەتتى. سايكەسىنشە, كورسەتىلگەن قىزمەتتەر كولەمى دە وتكەن جىلعىدان 6,9% تومەن. سەكتورداعى قىزمەتتەر كولەمى ەكىنشى جىل قاتارىنان تومەندەپ كەلەدى.
ءبىر جىل ىشىندە ورنالاستىرۋ ورىندارىنداعى كەرەۋەتتىڭ ورتاشا باعاسى 8099-دان 8494 تەڭگەگە دەيىن ءوستى. ەڭ جوعارى باعا ماڭعىستاۋ وبلىسىندا (12 مىڭ تەڭگە), الماتىدا (11,8 مىڭ تەڭگە) جانە نۇر-سۇلتاندا (11,5 مىڭ تەڭگە) تىركەلدى. ال اتىراۋ جانە قىزىلوردا وبلىستارىندا بۇل كورسەتكىش بىلتىرعىمەن سالىستىرعاندا تومەندەدى.
