«جۇماعاليەۆا ن» شارۋا قوجالىعىنىڭ جەتەكشىسى وسپان الماستىڭ ايتۋىنشا, اتالعان جوبانىڭ قۇنى 1,4 ملرد تەڭگەنى قۇرايدى. ونى بيىلعى ءتورتىنشى توقساندا ىسكە قوسۋ جوسپارلانىپ وتىر.
– قۇرىلىس الاڭىندا 14 ادام جۇمىس ىستەيدى. قازىر جىلىجاي نىسانىنىڭ قابىرعاسى قۇراستىرىلا باستادى. ەلەكتر مەن گاز جەلىسى تارتىلدى. بۇل جىلىجاي ىسكە قوسىلعاندا 350 ادامدى جۇمىسپەن قامتۋدى جوسپارلاپ وتىرمىز. مۇندا جىلىنا 350 توننانى قۇرايتىن قيار مەن قىزاناق وسىرىلەدى, – دەيدى و.الماس.
وبلىس اكىمى ماحامبەت دوسمۇحامبەتوۆتىڭ ايتۋىنشا, مەملەكەت تاراپىنان اۋىل شارۋاشىلىعى سالاسىن دامىتۋعا كورسەتىلەتىن قولداۋ كوپ. ال مۇنايلى وڭىرگە ازىق-ت ۇلىك بەلدەۋىن قۇرۋ ءۇشىن ءدال وسىنداي جوبالار قاجەت. ويتكەنى تۇرعىندارعا ساپالى ءارى ارزان كوكونىس ونىمدەرىن ۇسىنۋدى كوزدەيتىن بۇل جىلىجايدا دا جۇمىس ورىندارى اشىلادى. جىلىجاي ونىمدەرى جەرگىلىكتى نارىقتاعى باعانىڭ تۇراقتانۋىنا ىقپال ەتەدى.
اتىراۋ وبلىسى
