سپورت • 15 شىلدە، 2021

لۋتسەنكو وليمپيادادا توپ جارۋى مۇمكىن

51 رەت كورسەتىلدى

توكيو وليمپياداسىندا ۆەلوسپورتتان ەل نامىسىن ءۇش سپورتشى قورعايدى. ولار ­­­­‒ الەكسەي لۋتسەنكو، دميتري گرۋزدەۆ جانە ۆاديم پرونسكي. وليمپيا ويىندارىندا قازاقستان كومانداسىنىڭ كاپيتانى مىندەتىن الەكسەي لۋتسەنكو اتقارادى. 

ءۇش سپورتشىنىڭ ارقاسىندا ۆەلوشاباندوزدار جەكەلەي جانە توپتىق سىندا ونەر كورسەتۋگە مۇمكىندىك الىپ وتىر. ءبىز مۇنداي جەتىستىككە سوڭعى رەت 2004 جىلى افينا وليمپياداسىندا عانا جەتكەن ەكەنبىز.

حالىقارالىق ۆەلوسپورت فەدەراتسياسىنىڭ قورىتىندى رەيتينگىسى بويىنشا قازاقستان كومانداسى ءۇش ليتسەنزيا يەلەنگەن بولاتىن. ۇپاي جيناۋ كەزەڭدەرى 2018 جىلدىڭ 22 قازانى مەن 2019 جىلدىڭ 22 قازانى ارالىعىن قامتىدى. قورىتىندى ەسەپتە ءبىزدىڭ كوماندا 3259،35 ۇپايمەن 19-ورىنعا تابان تىرەدى. بۇل رەتتە 2019 جىلى قازاقستان قورجىنىن ماڭىزدى ۇپايلارمەن تولتىرعان الەكسەي لۋتسەنكونىڭ ەڭبەگى ەرەكشە. سونداي-اق قازاقستاندىق ۆەلوشاباندوزدار ازيا چەمپيوناتىندا ءۇش التىن الىپ، كوماندا رەيتينگىنە 555 ۇپاي قوستى. وسىلايشا، 2004 جىلدان بەرى العاش رەت توپتىق سىندا قازاقستان اتىنان ءۇش سپورتشى باق سىنايدى. 

ءبىز بۇگىن كوماندانىڭ كوشباسشىسى الەكسەي لۋتسەنكونى جاي ايتىپ وتىرعان جوقپىز. سەبەبى ول بۇعان دەيىن قانشاما ءىرى تۋرنيرلەردە جۇلدە الىپ جۇرگەن بىردەن-ءبىر وتانداسىمىز. ءتىپتى وعان 2016 جىلى ريو وليمپياداسىندا ۇلكەن ۇمىتپەن قاراعان دا ەدىك. الايدا ونىڭ جوسپارلارىنا جاراقات كەدەرگى كەلتىردى، سول سەبەپتى ول باستى ستارتقا بارمادى.

‒ وليمپيادا ‒ كەز كەلگەن سپورتشىنىڭ مانسابىنداعى ەڭ ۇلكەن شىڭ. جاراقاتتىڭ سالدارىنان مەن ريوعا قاتىسا المادىم. سودان بەرى مەن دايىندىقتى توقتاتپادىم. كەرىسىنشە، شەبەرلىگىمدى ارتتىردىم. سوندىقتان وليمپيادادا جاقسى ناتيجەنى كورسەتكىم كەلەدى، ‒ دەدى الەكسەي لۋتسەنكو.

سودان بەرى بەس جىل ارتتا قالدى. لۋتسەنكو شيرادى، تۋر دە فرانتس، جيرو د يتاليا، ۆۋەلتا سىندى كوپكۇندىككە قاتىسىپ تاجىريبە جينادى. جيناعان تاجىريبەنىڭ ارقاسىندا ول ازيا ويىندارىنىڭ ەكى دۇركىن چەمپيونى، ازيا چەمپيوناتىنىڭ جەڭىمپازى اتاندى. ودان بولەك، ومان، تۇركيا، اۋستريا جانە قىتايدا وتكەن ۆەلوجارىستاردا توپ باسىنان كورىنە الدى.

وليمپيادا الدىندا قۇرامانىڭ باس باپكەرى اسان بازاەۆ سپورتشىلاردىڭ دايىندىعى جايلى ايتىپ بەردى.

­‒ جارىستا لۋتسەنكو كاپيتان رەتىندە قاتىسادى. گرۋزدەۆ پەن پرونسكي وعان كومەكتەسەدى. العاشىندا اندرەي زەيتستى وليمپياداعا اپارامىز دەپ ويلاعان ەدىك. الايدا ول جاراقاتىنان كەيىن بابىنا كەلە المادى. ءدال قازىر دميتري گرۋزدەۆ ناعىز بابىندا. ۆاديم پرونسكي «دجيرودان» كەيىن جاقسى ناتيجە كورسەتىپ ءجۇر. الەكسەيگە كومەگى كوپ بولارى انىق، ‒ دەدى باس باپكەر.

باس باپكەردىڭ ايتۋىنشا، قازاقستاندىق سپورتشىلار توكيودا ءساتتى ونەر كورسەتىپ، جۇلدە الىپ قالۋىمىز دا عاجاپ ەمەس.

ەرلەر اراسىنداعى باسەكە 24 شىلدە كۇنى توپتىق جارىسپەن باستالادى. جارىسقا 130 سپورتشى قاتىسادى دەپ كۇتىلۋدە. ال جەكەلەي سىندا الەكسەي لۋتسەنكو عانا باق سىنايدى.

سوڭعى جاڭالىقتار

«قىزىل» ايماقتىڭ قاتارى سيرەمەي تۇر

كوروناۆيرۋس • بۇگىن، 09:45

2236 ادام كوروناۆيرۋستان جازىلدى

كوروناۆيرۋس • بۇگىن، 09:30

سىيلىق يەلەرى جاريا ەتىلدى

فۋتبول • بۇگىن، 08:58

راحمانبەردىنىڭ قۇستارى

ايماقتار • بۇگىن، 08:51

قازاق بيىنە قۇمارتقان قىز

ونەر • بۇگىن، 08:40

ىرىكتەۋ جارىستارى اياقتالدى

قىسقى سپورت • بۇگىن، 08:37

وڭىردە باعا بايلاۋعا كونبەي تۇر

ايماقتار • بۇگىن، 08:33

كۇردەلى جوندەۋدى قاجەت ەتەدى

ايماقتار • بۇگىن، 08:30

وسىمدىك مايىن وندىرە المايمىز با؟

قازاقستان • بۇگىن، 08:22

ەكى اۋىلعا گاز جەتتى

ايماقتار • بۇگىن، 08:20

سوت سەگىز مىڭنان استام ءىس قاراعان

قازاقستان • بۇگىن، 08:04

«وميكرون» ءورشىپ بارادى

كوروناۆيرۋس • بۇگىن، 08:00

ەسىمنەن كەتپەس ەكى ەتيۋد

رۋحانيات • كەشە

بەسىنشى ەلەمەنت

ونەر • كەشە

ۇقساس جاڭالىقتار