قولدانىستاعى زاڭناماعا سايكەس جۇمىستان بوساتىلعان ادامدار الەۋمەتتىك تولەمدەر الادى. ول ءۇشىن ادامنىڭ مىندەتتى الەۋمەتتىك ساقتاندىرۋ جۇيەسىنە قاتىسۋ ءوتىلى جانە سوڭعى ەكى جىلداعى تابىسى قارالىپ, 1 ايدان 6 ايعا دەيىن تاعايىندالادى. تولەم جوعالعان كىرىستىڭ 40%-ىنا دەيىنگى مولشەردە ماسق قاراجاتى ەسەبىنەن جۇزەگە اسىرىلادى.
تولەم تاعايىنداۋ ءۇشىن جۇمىستان بوساتىلعان جۇمىسكەرگە eGov.kz پورتالىنداعى «جۇمىسقا ورنالاستىرۋ جانە جۇمىسپەن قامتۋ» بولىمىندە «جۇمىس ىزدەۋشى ادامداردى تىركەۋ» قىزمەتىنە تاپسىرىس بەرىپ, ءوتىنىمدى جىبەرۋ قاجەت. ءبىر كۇن ىشىندە تۇرعىلىقتى جەرىڭىزدەگى حالىقتى جۇمىسپەن قامتۋ ورتالىعى بوس جۇمىس ورىندارىن ۇسىنادى. ەگەر جۇمىس تابىلماسا, 3 جۇمىس كۇنى ىشىندە جۇمىسسىز مارتەبەسى بەرىلەدى.
جۇمىسسىز رەتىندە تىركەلگەن سوڭ ەڭبەكمينىنىڭ اقپاراتتىق جۇيەسى ماسق-تان تولەم تاعايىنداۋ بويىنشا ءموبيلدى تەلەفونعا SMS-حابارلاما جىبەرەدى. كەلىسكەن جاعدايدا SMS-حابارلاماعا جاۋاپ بەرۋ قاجەت. تولەم اۆتوماتتى تۇردە تاعايىندالادى.
ەستەرىڭىزگە سالا كەتەيىك, اتالعان الەۋمەتتىك تولەم كەزىندە جۇمىستان شىعۋ سەبەبى قاراستىرىلمايدى. ول ادامدى جۇمىس تاۋىپ العانشا قولداۋعا ارنالعان.
