قازاقستان-يسپانيا: ينۆەستيتسيالىق ىنتىماقتاستىقتىڭ جاڭا دەڭگەيى

ءوز سوزىندە مۇحتار تىلەۋبەردى يسپان بيزنەسىنىڭ قازاقستانعا دەگەن قىزىعۋشىلىعى ارتىپ كەلە جاتقانىن، ەكىجاقتى ەكونوميكالىق ىنتىماقتاستىقتىڭ جەتىستىكتەرىن، سونداي-اق 2021 جىلعى قازانعا جوس­پارلانعان ەكىجاقتى جانە ىس­كەرلىك كەڭەس وتىرىستارىن وتكى­زۋدىڭ ماڭىزدىلىعىن اتاپ ءوتتى.

دوڭگەلەك ۇستەلگە قازاق­ستانمەن ىنتىماقتاستىقتى كەڭە­يتۋگە مۇد­­دەلى Airbus Defense & Space، Maxam، Grupo Santander، Grupo AGEM، Matachana، Acciona، Talgo، Imabe Iberica، Urbaser سياقتى 20-دان استام ءىرى يسپاندىق كومپانيا باسشىلارى قاتىستى.

ءىس-شارا بارىسىندا يسپان كومپانيالارىنا قازاقستاننىڭ ينۆەستيتسيالىق الەۋەتى تانىستىرىلدى. قر ءسىم ينۆەستيتسيالار كوميتەتى توراعاسىنىڭ م.ا. ارداق زەبەشەۆ اگروونەركاسىپتىك كەشەن، مەتاللۋرگيا، ماشينا جاساۋ، فارماتسەۆتيكا، كولىك ينفراقۇرىلىمى جانە ەنەرگەتيكا سياقتى باسىم سالالاردىڭ مۇمكىندىكتەرى، سونداي-اق ينۆەستيتسيالىق احۋال جانە قازاق­ستانداعى ينۆەستورلاردى مەملەكەتتىك قولداۋ شارالارى تۋرالى ايتىپ بەردى.

دوڭگەلەك ۇستەلدى قازاقستان تاراپىنان قر ءسىم، قازاقستاننىڭ يسپانياداعى ەلشىلىگى جانە «KAZAKH INVEST» ۇك» اق ۇيىمداستىردى.

«KAZAKH INVEST» ۇك» اق باسقارما توراعاسىنىڭ ورىن­باسارى جاندوس تەمىرعالي قاتىسۋ­شىلاردى بىرلەسكەن جوبالار تۋرالى حاباردار ەتتى جانە يسپان كومپانيالارى ءۇشىن جاسالعان ناقتى ينۆەستيتسيالىق ۇسىنىستاردى مالىمدەدى.

ءىس-شارا اياسىندا قر ءسىم يك، «KAZAKH INVEST» ۇك» اق باسشىلىعى الەۋەتتى جانە ىسكە اسى­رىلىپ جاتقان ينۆەستيتسيالىق جو­بالار بويىنشا يسپان تارا­پىمەن بىرقاتار كەلىسسوز جۇر­گىزىلدى. اتاپ ايتقاندا، اقمولا وبلىسىندا ەت كلاستەرىن قۇرۋ جوباسى بويىنشا Ingeser (Grupo TSK) كومپانياسىمەن، نۇر-سۇلتان قالاسىندا نوسەر كارىزدەرىن سالۋ جوباسى بويىنشا Aqualia كومپانياسىمەن، ەنەرگەتيكا سالاسىنداعى الەۋەتتى جوبالار بويىنشا IDOM كومپانيا­سىمەن، سونداي-اق يسپانيانىڭ ەكسپورت جانە ينۆەستيتسيالار جونىندەگى ICEX مەملەكەتتىك كوم­پانياسىنىڭ ينستيتۋتتىق ارىپ­تەستەرىمەن جانە بىرلەسكەن جو­بالاردى ىسكە اسىرۋ ماسەلەلەرى بويىنشا COFIDES دامىتۋدى قارجىلاندىرۋ جونىندەگى يسپان كومپانياسىمەن كەلىسسوزدەر جۇرگىزىلدى.

مۇحتار تىلەۋبەردى رەسمي ساپارى اياسىندا Airbus Defense & Space كومپانياسىنىڭ وندى­رىستىك الاڭى مەن حالىقارالىق ترە­نينگتىك ورتالىعىنا بارىپ، وسى كوم­پانيانىڭ باسشىلىعىمەن كەزدەستى.

بۇدان باسقا، «KAZAKH INVEST» ۇك» اق-تىڭ ەۋروپاداعى ەڭ ءىرى قوقىس وڭدەۋ كەشەندەرىنىڭ ءبىرى – مادريد قالاسىنداعى Urbaser كومپانياسىنىڭ تەحنوپاركىنە ساپارى ۇيىمداستىرىلدى. وعان سۇرىپتاۋ زاۋىتى، قايتالاما شي­كىزاتتى قايتا وڭدەۋ زاۋىتى جانە ينسەنيراتسيالىق كەشەن (waste to energy) كىرەدى. كەزدەسۋ بارىسىندا جالپى قىزمەتكەرلەر شتاتى 35 مىڭنان اساتىن، 30 ەلدە جۇمىس ىستەيتىن كومپانيا باسشىلىعى قازاق­ستانمەن قاتتى تۇرمىستىق قال­دىقتاردى (قتق) وڭدەۋدىڭ ينتە­گراتسيالانعان كەشەنىن قۇرۋ بويىن­شا سەرىكتەستىككە قىزىعۋشىلىق تانىتتى.

ال قتق وڭدەۋ بويىنشا الەمدىك جەتەكشى وندىرۋشىلەردىڭ ءبىرى Imabe Iberica كومپانياسىنىڭ باسشىلىعى جاڭا سۇرىپتاۋ جانە قايتا وڭدەۋ كەشەندەرىن قۇ­رۋ جونىندە قازاقستانمەن ىن­تىماق­تاستىقتى كەڭەيتۋگە مۇددەلىلىك ءبىلدىردى.

جالپى، يسپانيا قازاقستاننىڭ ءىرى ساۋدا سەرىكتەستەرىنىڭ وندىعىنا كىرەدى. پاندەمياعا قاراماستان، وتكەن جىلى ەكى ەل اراسىنداعى تاۋار اينالىمىنىڭ كولەمى 1،4 ملرد اقش دوللارىن قۇرادى، ال بيىلعى قاڭتار-مامىردا تاۋار اينالىمى 80 پايىزدان استام ءوسىپ، 842 ملن دوللاردى قۇرادى. بۇعان، نەگىزىنەن، قازاقستاندىق ەكسپورت ەسەبىنەن قول جەتتى. ال 2005-2020 جىلدار ارالىعىندا يسپانيادان قازاقستانعا كەلەتىن تىكەلەي ينۆەس­تيتسيالار كولەمى 245 ملن اقش دوللارىن قۇراعان.

دايىنداعان

كارىباي مۇسىرمان،

«Egemen Qazaqstan»