ايماقتار • 14 شىلدە، 2021

الماتىدا ءبىر تاۋلىكتە 640 ادام ىندەتكە شالدىقتى

1865 رەت كورسەتىلدى

بۇگىن الماتى قالاسىنىڭ اكىمى باقىتجان ساعىنتاەۆ ەپيلەميالىق احۋال «دەلتا» شتامىنا ءورشىپ تۇرعانىن اتاي كەلە، الماتىلىقتاردى ۆاكتسينالانۋ قارقىنىن تومەندەتپەۋگە شاقىردى، دەپ جازادى Egemen.kz.

الماتىنىڭ اكىمى 14 شىلدەگە دەيىن كوروناۆيرۋس ينفەكتسياسىنىڭ 80 091 جاعدايى تىركەلگەنىن ايتتى.

تەك سوڭعى تاۋلىكتە 640 ادامنىڭ ىندەت جۇقتىرعانى انىقتالدى.

بۇگىندە 5200 توسەك ورىنعا ۇلعايعان ينفەكتسيالىق ستاتسيونارلاردا بارلىعى 1947 پاتسيەنت، ونىڭ ىشىندە 168 بالا ەمدەلىپ جاتىر. سونىمەن قاتار، ناۋقاستاردىڭ 55-ءىنىڭ جاعدايى وتە اۋىر، 428-ءى اۋىر، 1464 ورتاشا اۋىرلىق دارەجەدە. رەانيماتسيا جانە ينتەنسيۆتى تەراپيا بولىمدەرىندە بارلىعى 133 ناۋقاس بار. ءوجج اپپاراتىندا – 28، ءينۆازيۆتى ەمەس ءوجج – 46، High flow اپپاراتىندا – 42 ناۋقاس جاتىر.

سوڭعى 7 كۇن ىشىندە كۆي-ءدىڭ سيمپتومدى اۋرۋلارىنىڭ ۇلەس سالماعى وتكەن 7 كۇنمەن سالىستىرعاندا 2 ەسەگە وسكەن، 53%-دان 88%-عا دەيىن، بۇل كۆي-ءدىڭ اۋىر كلينيكالىق كورىنىسىن قالىپتاستىراتىن دەلتا نۇسقا اينالىمىنىڭ تەز تارالۋى سالدارىنان بولىپ وتىر.

سوڭعى 2 اپتاداعى جاس قۇرامىنىڭ تالداۋى دەلتا نۇسقاسىنىڭ جوعارى كونتاگيوزدى بولۋىنان بالالار مەن جاستارعا ۆيرۋس تەز جۇعۋدا: 2%-عا تومەندەۋىنە قاراماستان 14 جاسقا دەيىنگى بالالاردىڭ ۇلەسى 13%-دىق جوعارى كۇيىندە قالۋدا; 20 جاستان 40 جاسقا دەيىنگى ازاماتتار اراسىندا دەرتتىڭ ەڭ جوعارى دەڭگەيگە 3،4%-عا (39%) اسقىنۋى ۇلكەن الاڭداۋشىلىق تۋدىرىپ جاتىر. سونداي-اق 40-59 جاستاعىلار اراسىندا جۇقتىرۋ دەڭگەيى – 25%، ياعني، ءاربىر 4-ءشى ادام ينفەكتسيا جۇقتىرعان. 60 جاستاعى اعا بۋىن اراسىندا جۇقتىرۋدىڭ ۇلەس سالماعى 1،6%، بۇل يممۋندانۋ مەن موبيلدىلىكتىڭ تومەندىگىنىڭ ناتيجەسى.

جۇمىسپەن قامتۋ بويىنشا سوڭعى 14 كۇندە كۆي دەرتى ءوزىن-ءوزى جۇمىسپەن قامتىعاندار اراسىندا باسىم – 37% ء(وسىم 2%)، ءتۇرلى جشس، جك، اق قىزمەتكەرلەرى اراسىندا – 19% (بۇرىنعى دەڭگەيدەن)، زەينەتكەرلەر اراسىندا – 16،6% (0،8%-عا تومەن)، سونداي-اق مەكتەپ وقۋشىلارى اراسىندا – 10،1% (0،2%-عا تومەن) جانە مەكتەپ جاسىنا دەيىنگى بالالار اراسىندا – 6،7% (سول دەڭگەيدە)، بۇل ناۋقاستار سانىنىڭ 90%-ىن قۇرايدى.

ينفەكتسيا جۇقتىراتىن ناقتى ورىندار: سوڭعى اپتادا الدىڭعى سوڭعى اپتامەن سالىستىرعاندا كۆي-ءدى وتباسىندا جۇقتىرۋ 9%-عا تومەندەدى، تۋىستارىمەن، كورشىلەرىمەن، دوستارىمەن بايلانىستا بولعاندار – 0،2%-عا ازايدى.

سوڭعى 7 كۇندە كۆي جۇقتىراتىن نەگىزگى ورىندار ساۋدا نىساندارى – 31%، وتباسىلاردا – 18%، قوعامدىق كولىكتە – 16%، بازارلاردا – 11% جانە قوعامدىق تاماقتاندىرۋ ورىندارىندا – 4%.

الماتى اكىمى ب. ساعىنتاەۆ قالالىقتاردى كۆي-ءدىڭ الدىن الۋدىڭ ەڭ ءتيىمدى ءارى جالعىز قورعانى بولىپ تابىلاتىن ۆاكتسينالانۋ قارقىنىن تومەندەتپەۋگە شاقىردى. 14 شىلدەدەگى جاعداي بويىنشا 615 661 ادامعا ۆاكتسينانىڭ I كومپونەنتى ەگىلدى. وتكەن تاۋلىكتەردە ۆاكتسينالانعاندار: 15 257 ادام. ەكپە العانداردىڭ جالپى سانىنان 60 جاستان اسقاندار 91 263 ادامدى قۇرايدى.

قالادا مەديتسينالىق ۇيىمداردا، مەكتەپتەردە، مادەني جانە سپورتتىق مەكەمەلەردە، بازارلاردا جانە سوسو 212 ۆاكتسيناتسيا (250-گە دەيىن ۇلعايتۋ مۇمكىندىگى بار) پۋنكتى جۇمىس ىستەيدى. قۇرامىندا 1260 ادام بار 308 ەكپە بريگاداسى جۇمىلدىرىلعان.

سوڭعى جاڭالىقتار

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

پورترەتتەگى پاراسات

ەلباسى • كەشە

ۇقساس جاڭالىقتار