سىبايلاس جەمقورلىققا قارسى ءىس-قيمىل ۆەدومستۆوسىنىڭ ءباسپاسوز قىزمەتى حابارلاعانداي, وتىرىس شەڭبەرىندە پرەۆەنتسيا جەلىسى بويىنشا جۇمىس ناتيجەسى, سونداي-اق جەدەل تەرگەۋ بلوكتارى تىڭدالدى.
مەملەكەت باسشىسىنىڭ 2020 جىلعى 1 قىركۇيەكتەگى جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارى اياسىندا قوستاناي وبلىسىنىڭ مەملەكەتتىك ورگاندارى سىبايلاس جەمقورلىق تاۋەكەلدەرىنە ىشكى تالداۋ جۇرگىزدى.
اتقارىلعان جۇمىس بارىسىندا وبلىستا 500-دەن استام مەملەكەتتىك ورگاندا سىبايلاس جەمقورلىق فاكتىلەرى تىركەلدى. ونىڭ اراسىندا قالالار مەن اۋدانداردىڭ اكىمدىكتەرى, وبلىستىق باسقارمالار, سونداي-اق اۋىلدار مەن اۋىلدىق وكرۋگتەر اكىمىنىڭ اپپاراتى بار.
ناتيجەسىندە 613 سىبايلاس جەمقورلىق تاۋەكەلى انىقتالدى.
«بۇل شارالار سالالىق زاڭداردىڭ پروبلەمالىق ماسەلەلەرىن انىقتاۋعا, سونداي-اق مەملەكەتتىك ورگاندار قىزمەتىندەگى ىشكى ولقىلىقتاردى كورۋگە, الداعى ۋاقىتتا بۇل مەملەكەتتىك ورگاندارعا قۇقىقتىق الاڭدا جۇمىس ىستەۋگە جانە سىبايلاس جەمقورلىقتىڭ العىشارتتارىنىڭ پايدا بولۋ مۇمكىندىگىن ايتارلىقتاي تومەندەتۋگە مۇمكىندىك بەرەدى», دەدى قوستاناي وبلىسى بويىنشا سىبايلاس جەمقورلىققا قارسى قىزمەت دەپارتامەنتىنىڭ باسشىسى قۋانىش بەكباسوۆ.
قوستاناي وبلىسى بويىنشا سىبايلاس جەمقورلىققا قارسى قىزمەتى بارلىعى 42 قىلمىستى تىركەدى, ونىڭ ىشىندە 39 - سىبايلاس جەمقورلىق.
