بۇل تۋرالى قىزىلوردا وبلىسى كاسىپكەرلەر پالاتاسىنىڭ ديرەكتورى عالىمبەك جاقسىلىقوۆ مالىمدەدى.
«قازىر ەلىمىزدە ەپيدەميولوگيالىق جاعداي كۇردەلى بولىپ جاتقانى بەلگىلى. قىزىلوردا وبلىسى «سارى» ايماقتا تۇر. وڭىردە كارانتيندىك شەكتەۋلەر بولسا دا كاسىپكەرلەردىڭ جۇمىس جاساۋىنا بارىنشا مۇمكىندىك جاسالعان. ەلىمىزدە قولدانىسقا ەنگىزىلگەن «Ashyq» جوباسى بويىنشا وبلىستا 294 كاسىپكەرلىك نىساننىڭ ءوتىنىشى نەگىزىندە ولارعا ارنايى QR كود بەرىلگەن. وسى ورايدا كاسىپكەرلەر قويىلعان تالاپتاردى تولىق ورىنداۋى ءتيىس. دەسە دە كەيبىر كەمشىلىكتەرگە جول بەرگەن 17 كاسىپكەرلىك نىساننىڭ QR كودى دەاكتيۆاتسيالاندى. سەبەبى كاسىپكەرلەر كەلۋشىلەردىڭ مارتەبەسىن تەكسەرمەگەن. سول ءۇشىن ولار ازىرگە 2 اپتاعا جوبادان شەتتەتىلدى», دەدى پالاتا ديرەكتورى.
ونىڭ ايتۋىنشا, جۇمىس الگوريتمىن 3 رەت بۇزعان قاتىسۋشى 2 ايدان ەرتە جوباعا قايتا ورالا المايدى. ول مونيتورينگ توبى ۇسىنعان مالىمەت بويىنشا جۇزەگە اسادى. بۇگىندە وڭىردە 294 نىساننىڭ ىشىندە 22-ءسى كوميسسيا شەشىمىمەن «كوشباسشى» مارتەبەسىن العان. بۇل مارتەبە كاسىپكەرلىك نىساننىڭ قىزمەتىن كەلۋشىلەر تاراپىنان تۇراقتى چەكين (جوبا اياسىندا كەلۋشىلەردىڭ ستاتۋسىن تەكسەرۋ) جاسالعاندىقتان بەرىلگەن.
