وقيعا • 13 شىلدە، 2021

اقسۋدا جاۋىزدىقپەن ولتىرىلگەن وتباسى تۋرالى جاڭا دەرەكتەر ايتىلدى

1730 رەت كورسەتىلدى

پاۆلودار وبلىسىنىڭ اقسۋ قالاسىندا 35 جاستاعى ايەل مەن ونىڭ كىشكەنتاي ەكى قىزىن جاۋىزدىقپەن ولتىرگەن كۇدىكتى ۇستالدى، دەپ حابارلايدى Egemen.kz.

ەر ادام جانجال بارىسىندا كەلىنشەكتى، ارتىنان قىلمىسقا كۋا بولعان ەكى قىزدى پىشاقتاپ تاستاعان.

مارقۇمنىڭ كورشىلەرى بولسا بۇل كۇنى ەشقانداي شۋدى ەستىگەن جوقپىز دەيدى. قايتىس بولعان ايەلدىڭ ەسىمى زۋحرا ەكەن. ول ەكى قىزىن جالعىز ءوزى اسىراپ كەلگەن. ۇلكەنى گۇلدانا بيىل ءبىرىنشى سىنىپقا بارۋى كەرەك بولعان. كىشىسى رايانا بالاباقشادا.

«زۋحرا ءبىزدىڭ ۇيدە ءبىر جىلدان بەرى تۇرىپ كەلگەن. قىستا ول اتا-اناسىمەن تۇراتىن. جاز كەلە ۇلكەن كىسىلەر قالانىڭ سىرتىنا كوشىپ كەتتى. بالالارى ءبىزدىڭ بالالارمەن اۋلادا وينايتىن. جاقسى ادامدار ەدى... ولاردى ءولتىرىپ كەتتى دەگەندى ەستىگەلى ءالى وزىمىزگە كەلە الماي وتىرمىز»، دەيدى مارقۇمنىڭ كورشىسى.

قىلمىس بولعان ءۇيدىڭ تۇرعىندارى زۋحرانىڭ ۇيىنەن ەشقانداي ەر ادامدى كورمەگەندەرىن ايتادى. مارقۇم ساۋدا ۇيىندەگى ازىق-ت ۇلىك ساتاتىن بولىمدە ساتۋشى بولىپ جۇمىس ىستەگەن. جۇمىستا بولعان ۋاقىتتا قىزدارعا تۋىستارى قاراپ قالعان.

قازىرگى تاڭدا ءبىر وتباسىن قىرىپ سالدى دەگەن كۇدىكتى قاماۋعا الىندى. ونىڭ جاسى 36-دا. قر قىلمىستىق كودەكسىنىڭ 99-بابىنىڭ 1-تارماعى جانە 3-تارماعى بويىنشا سوتقا دەيىنگى تەرگەۋ جۇرگىزىلىپ جاتىر.

ەسكە سالا كەتسەك، 12 شىلدە كۇنى ساعات 11.40-تا اقسۋ قالاسىنداعى پاتەرلەردىڭ بىرىنەن زورلىق-زومبىلىق بەلگىلەرى بار ايەل مەن 7 جانە 5 جاستاعى كامەلەتكە تولماعان بالالاردىڭ ءمايىتى تابىلعان بولاتىن.

سوڭعى جاڭالىقتار

دوللار ارزاندادى

قارجى • بۇگىن، 16:22

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار