9 قازان كۇنى ول UFC-دەگى ءۇشىنشى جەكپە-جەگىنە شىعادى. قازاقستاندىق ارۋدىڭ قارسىلاسى - كولۋمبيالىق سابينا مازو.
سابينانىڭ جاسى 24-تە, UFC-دە 5 ايقاس وتكىزىپ ۇلگەرگەن. ونىڭ ۇشەۋىندە جەڭىسكە جەتكەن. مازو سوڭعى كەزدەسۋىندە الەكسيس دەۆيستەن جەڭىلىپ قالعان بولاتىن.
ەسكە سالا كەتەيىك, ماريا اگاپوۆا UFC الاڭىندا ەكى مارتە ونەر كورسەتتى. وتكەن جىلدىڭ 13 ماۋسىمىندا ول UFC on ESPN 10 تۋرنيرىندە امەريكالىق حاننا سايفەرسپەن جەكپە-جەك وتكىزدى. بۇل ايقاس ماريا اگاپوۆانىڭ جەڭىسىمەن اياقتالدى.
23 جاستاعى قازاقستاندىق سپورتشى ءۇش مينۋتتىڭ ىشىندە قارسىلاسىنان باسىم ءتۇستى. وسىلايشا بۇل ونىڭ سپورت جولىنداعى توعىزىنشى جانە UFC الاڭىنداعى ءبىرىنشى جەڭىسى بولدى.
كەيىننەن 2020 جىلدىڭ تامىزىندا ماريا امەريكالىق شەنا دوبسوننان جەڭىلىپ قالدى.
