ونىڭ ايتۋىنشا, الاياقتار Instagram-نىڭ بەلسەندى پايدالانۋشىلارىن, سونداي-اق Instagram پاراقشالارىندا ەڭ كوپ جازىلۋشى بار اككاۋنتتاردى تاڭداپ, Instagram قولداۋ قىزمەتىنىڭ جالعان بەتىنەن ء«سىزدىڭ ەسەپتىك جازباڭىز تەكسەرىلىپ, ورناتىلدى - سىزگە «كوك بەلگى» مارتەبەسى بەرىلەدى. ونى الۋ ءۇشىن سىلتەمە بويىنشا ءوتىپ, Instagram پاراقشاڭىزدىڭ قۇپياسوزىن ەنگىزۋ قاجەت» دەگەن تىكەلەي SMS جىبەرەدى.
قۇپياسوز ەنگىزىلگەننەن كەيىن پايدالانۋشى ءوتىنىم قابىلدانعان جانە ءۇش كۇن ىشىندە قارالاتىنى جونىندە جازىلعان ءماتىنى بار بەتكە تۇسەدى.
بىرنەشە ساعاتتان كەيىن پايدالانۋشى ءوز پاراقشاسىن تولىعىمەن جوعالتادى.
وسىدان كەيىن ۇيالى تەلەفونعا نەمەسە WhatsApp-قا «بۇل پاراقشا بۇزىلعان جانە ءسىز 200-دەن 1000 دوللارعا دەيىن تولەۋىڭىز كەرەك» دەگەن SMS حابارلاما كەلە باستايدى. پاراقشانى قايتارۋ ءۇشىن اقشا تولەنسە دە, پاراقشا قايتا قالپىنا كەلمەيدى.
«تەك بۇگىنگى كۇننىڭ وزىندە اتالعان جاعداي بويىنشا پوليتسيا دەپارتامەنتىنە الماتى قالاسىنىڭ 6 تۇرعىنى ءوتىنىش ءبىلدىردى», دەدى رۋستام ابدراحمانوۆ.
