ونىڭ مالىمەتىنشە, قاۋىپتى ۆيرۋستىڭ تارالۋ كورسەتكىشىنىڭ وسۋىنە بايلانىستى 520 رەزەرۆتىك توسەك-ورىن دايىندالعان. ونىڭ ىشىندە 20 توسەك-ورىن جانساقتاۋ بولىمىنە ءبولىنىپ وتىر.
«سوڭعى ءۇش كۇندە كوروناۆيرۋس ينفەكتسياسىن جۇقتىرعاندار سانى 46,8%-عا ارتىپ وتىر. ماسەلەن, 8 شىلدەدە 154 جاعداي تىركەلسە, 11 شىلدەدە 290 ادام قاۋىپتى ۆيرۋستى جۇقتىرعان. سوڭعى ءبىر اپتادا اتىراۋدا سىرقاتتانۋشىلىقتىڭ وسۋىنە بايلانىستى رەزەرۆتەن 330 ينفەكتسيالىق توسەك-ورىن پايدالانۋعا بەرىلدى. قازىر وبلىستا ينفەكتسيالىق توسەك-ورىننىڭ جالپى سانى 2 428-ءدى قۇرايدى» دەيدى اسحان بايدۋاليەۆ.
باسقارما باسشىسىنىڭ ايتۋىنشا, 408 توسەك-ورىنعا ارنالعان كارانتيندىك ستاتسيونار جۇمىس ىستەپ تۇر.
«كوروناۆيرۋس ينفەكتسياسىنا شالدىققان ناۋقاستار سانى كۇرت وسەتىن بولسا, بىرنەشە اۋرۋحانادان ينفەكتسيالىق ستاتسيونار اشۋدى كوزدەپ وتىرمىز. ناقتىلاي ايتقاندا, وبلىستىق اۋرۋحانادا 50, تەمىر جول اۋرۋحاناسىندا 120, ماحامبەت اۋدانىنداعى فتيزيوپۋلمونولوگيا ورتالىقتا 150, سونداي-اق, جاتاقحانانىڭ بىرىندە 200 ورىندىق ينفەكتسيالىق ستاتسيونار اشىلادى» دەيدى اسحان بايدۋاليەۆ.
