«قازاقستان رەسپۋبليكاسى پرەزيدەنتىنىڭ كەلىسىمى بويىنشا شىعىس قازاقستان وبلىسىنىڭ پروكۋرورى لاۋازىمىنا اعا ادىلەت كەڭەسشىسى المات مۇرات ۇلى بايشولاقوۆ تاعايىندالدى», دەلىنگەن پروكۋراتۋرا سايتىنداعى حابارلامادا.
المات مۇرات ۇلى 1975 جىلى الماتى قالاسىندا دۇنيەگە كەلگەن. ءال-فارابي اتىنداعى قازاق مەملەكەتتىك ۋنيۆەرسيتەتىن «قۇقىقتانۋ» ماماندىعى بويىنشا بىتىرگەن. ەڭبەك جولىن الماتى قالاسى بوستاندىق اۋدانى پروكۋرورىنىڭ كومەكشىسى قىزمەتىنەن باستاعان.
ءار جىلدارى الماتى وبلىسى ىلە اۋدانىنىڭ, الماتى قالاسى بوستاندىق اۋدانىنىڭ پروكۋراتۋرالارىن, الماتى قالاسى پروكۋراتۋراسىنىڭ الەۋمەتتىك-ەكونوميكالىق سالاداعى زاڭدىلىقتى قاداعالاۋ باسقارماسىن, قىلمىستىق ىستەر بويىنشا سوت اكتىلەرىن باسقارعان. وڭتۇستىك قازاقستان وبلىسى جانە استانا قالاسى پروكۋرورىنىڭ ورىنباسارى بولىپ جۇمىس ىستەدى. ادىلەت مينيسترلىگىنىڭ دەپارتامەنتتەرىن باسقاردى.
سوڭعى ەكى جىلدا پرەزيدەنت اكىمشىلىگىنىڭ قاۋىپسىزدىك جانە قۇقىقتىق ءتارتىپ ءبولىمىنىڭ مەڭگەرۋشىسى قىزمەتىن اتقاردى. بۇل قىزمەتتەن 2021 جىلدىڭ شىلدە ايىنىڭ باسىندا كەتتى.
