«قازىر ارماتۋر وندىرەتىن جاڭا 3 زاۋىت سالىنىپ جاتىر, سونىڭ ەسەبىنەن 100 پايىز وتاندىق نارىق قامتاماسىز ەتىلەدى. ال كىرپىشكە كەلسەك, بۇگىندە ەلىمىزدە 1 ءىرى, 11 ورتاشا جانە 276 شاعىن كىرپىش شىعاراتىن كاسىپورىن بار. ولار سيليكات جانە كەراميكالىق كىرپىش جاسايدى. قازىرگى ۋاقىتتا اتالعان ونەركاسىپتەر ىشكى نارىقتى 62 پايىزعا كىرپىشپەن قامتاماسىز ەتىپ وتىر. ونىڭ ۇستىنە بىلتىرمەن سالىستىرعاندا بيىل كىرپىش ءوندىرۋ كولەمى 2 ەسەگە ارتىپ وتىر. ەلدەگى سۇرانىستى تولىق قامتاماسىز ەتۋ ماقساتىندا 2022 جىلدىڭ سوڭىنا دەيىن ەلىمىزدە كىرپىش شىعاراتىن جاڭا 14 زاۋىت سالۋ جوسپارلانىپ وتىر. ونىڭ قۋاتى جىلىنا 440 ملن دانا كىرپىش شىعارا الادى. سوندا وتاندىق نارىقتى تولىقتاي ءوز ونىمىمىزبەن قامتي الامىز», دەدى قايىربەك وسكەنباەۆ وكق-دە وتكەن ءباسپاسوز ءماسليحاتىندا.
ودان بولەك, ۆيتسە-مينيستر ەلىمىزدىڭ يمپورتقا تاۋەلدىلىگىن ازايتۋ جانە قۇرىلىس ماتەريالدارى باعاسىنىڭ تۇراقتىلىعىن قامتاماسىز ەتۋ ماقساتىندا مينيسترلىك 2021-2025 جىلدارعا ارنالعان قۇرىلىس يندۋسترياسىن دامىتۋ بويىنشا مەملەكەتتىك باعدارلامانى قابىلدانعانىن حابارلادى.
قايىربەك وسكەنباەۆتىڭ ايتۋىنشا, قازاقستاندا سۇرانىسقا يە قۇرىلىس ماتەريالدارى مەن ونىڭ باعاسىنا تالداۋ جۇرگىزىلدى. بۇعان دەيىن ءمينيستردىڭ ءبىرىنشى ورىنباسارى ەلىمىزدە تۇرعىن ءۇي قۇرىلىسىنا قۇيىلاتىن ينۆەستيتسيا كولەمىنىڭ وسكەنىن ايتتى.
