بيىل وبلىسقا 70 ملرد تەڭگەگە جۋىق مەملەكەتتىك قولداۋ كورسەتىلدى, ونىڭ 39 ملرد تەڭگەسى – سۋبسيديالار جانە 31 ملرد تەڭگەسى – نەسيەلەندىرۋ. ءوڭىر ۇكىمەتتەن ءشوپ دايىنداۋ ءۇشىن قوسىمشا 10 مىڭ توننا ديزەل وتىنىن سۇرادى. شابۋ تەحنيكاسىمەن قامتاماسىز ەتۋ ماسەلەسى دە ايتىلدى.
اقمولا وبلىستىق اۋىل شارۋاشىلىعى باسقارماسى باسشىسىنىڭ مىندەتىن اتقارۋشى ەركەش الەنوۆتىڭ ايتۋىنشا, وبلىستا كوكتەمگى ەگىس جۇمىستارى جوسپارلانعان مەرزىمدە اياقتالدى. وتكەن جىلمەن سالىستىرعاندا ەگىستىك القاپتارى ۇلعايعان. الايدا «قازگيدرومەت» رمك اقمولا وبلىسى بويىنشا فيليالىنىڭ دەرەكتەرىنە سايكەس مامىر-ماۋسىم ايلارىندا اۋداندار بويىنشا جاۋىن-شاشىننىڭ ورتاشا ايلىق مولشەرى - 13,1 جانە 19,1 مم قۇرادى, بۇل نورمادان 2 ەسە تومەن (نورما 33-35 مم) جانە بۇل ءداندى جانە ءداندى-بۇرشاقتى داقىلدار ەگىستىكتەرىنىڭ اعىمداعى جاعدايىنا قاتتى اسەر ەتتى. كەيبىر شارۋاشىلىقتاردا جاۋىن-شاشىن مۇلدەم بولماعان.
«2021 جىلعى 8 شىلدەدەگى جاعداي بويىنشا 1,8 ملن گەكتار – جاقسى جاعدايدا, 2,5 ملن گەكتار – قاناعاتتانارلىق, 228,1 مىڭ گەكتار ناشار جاعدايدا. بۇل كورسەتكىشتەر كۇن سايىن وزگەرىپ وتىرادى. قازگيدرومەتتىڭ بولجامدارىنا سايكەس, شىلدە-تامىز ايلارىندا جاۋىن-شاشىننىڭ ورتاشا جىلدىق ءتۇسىمى كۇتىلۋدە, بۇل ەگىستىكتەردىڭ جاعدايىن جاقسارتۋعا جانە جۇگەرى جانە ءبىر جىلدىق شوپتەردىڭ وسۋىنە مۇمكىندىك بەرەدى», دەپ اتاپ ءوتتى ەركەش الەنوۆ.
ەرەيمەنتاۋ, قورعالجىن, اتباسار, جاقسى جانە ەسىل اۋداندارىنداعى الاڭداتارلىق جاعدايى تۋرالى وبلىستىق اۋىل شارۋاشىلىعى باسقارماسى باسشىسىنىڭ مىندەتىن اتقارۋشى ايتىپ بەردى.
«ارينە, ونىمدىلىك وتكەن جىلداعىداي ەمەس, از بولادى دەپ بولجانىپ وتىر. قۇرعاقشىلىقا بايلانىستى مال ازىعى دا جەتكىلىزسىز بولۋى مۇمكىن. بىراق ءبىز بۇل ماسەلەنى شەشۋگە تىرىسامىز. ەگىستىكتە قالاتىن ساباندى باسىپ, تۇرعىنداردى مال ازىعىمەن قامتاماسىز ەتۋ جوسپارلانۋدا. ساباندى ۇساقتاۋ تۋرالى ماسەلە بولماۋى كەرەك. بۇل تۋرالى الدىن الا حابارلاندى», دەپ اتاپ ءوتتى ەركەش الەنوۆ.
وڭىردە ءشوپ شابۋ ءىسى قالاي ءجۇرىپ جاتقانىن, ادامدارعا قانداي كومەك كورسەتىلەتىنىن جانە ول تۋرالى قالاي حاباردار ەتىلەتىنى جونىندە اقمولا وبلىسى اكىمىنىڭ اۋىل شارۋاشىلىعى ماسەلەلەرى جونىندەگى ورىنباسارى عالىمجان ابدىقالىقوۆ مالىمەت بەردى.
«وبلىستا شوپكە دەگەن قاجەتتىلىك 1 ملن 181 مىڭ توننا. بۇگىندە وسى كولەمنەن ءشوپتىڭ 35-40% - ى بىزدە دايىندالدى, بىراق قازىر جەمشوپ دايىنداۋدى نەگىزىنەن ءىرى شارۋاشىلىقتار جۇرگىزەدى, ال جەكە سەكتور ادەتتە شىلدە-قىركۇيەك ايلارىندا ەگىن جيناۋعا شىعادى. اۋدان اكىمدەرىنە اۋىلدىق وكرۋگتەرگە بارىپ, ءتۇسىندىرۋ جۇمىستارىن جۇرگىزۋ تۋرالى تاپسىرمالار بەرىلدى. قازىر ءشوپ شابۋعا شىعىپ, دايىندىقپەن اينالىسۋ كەرەك. قالىپتاسقان جاعداي مال ازىعىنىڭ جەتكىلىكتى قورىن دايىنداۋ قاجەتتىلىگىن تۋدىرادى. جەم-شوپكە تولىق قاجەتتىلىكتى قامتاماسىز ەتپەۋ مال باسىنىڭ كۇرت ازايۋىنا جانە ءتىپتى مالدىڭ ولىمىنە اكەلۋى مۇمكىن. ماسەلەنى جەدەل شەشۋ, جەم-شوپپەن قامتاماسىز ەتۋ ءۇشىن بارلىق مۇمكىن شارالاردى قابىلداپ, توتەنشە جاعداي جاريالاۋ قاجەت. بۇل نە بەرەدى؟ تج جاريالاۋ مەنشىك نىسانىنا قاراماستان, تابيعي شابىندىقتار مەن جايىلىمداردى وتەۋسىز قايتا بولۋگە, جايىلىمى بار, بىراق مالى جوق شارۋاشىلىقتاردان ۋاقىتشا قايتا ءبولۋ جولىمەن جەكە قوسالقى شارۋاشىلىقتارعا شابىندىقتاردى ايقىنداۋعا مۇمكىندىك بەرەدى. بۇل ادامدارعا ءشوپ دايىنداۋعا مۇمكىندىك بەرەتىن توتەنشە شارالاردىڭ ءبىرى. جالپى الاڭداتارلىق جاعداي, قۇرعاقشىلىقتىڭ ۇزاقتىعى كۇن سايىن ارتىپ كەلەدى. جەرگىلىكتى اتقارۋشى ورگاندار, جەكە قوسالقى شارۋاشىلىقتار شىلدە ايىنىڭ سوڭىنا دەيىن جەمشوپ دايىنداۋ ءۇشىن بارلىعىن جاسايدى. ءار اۋداندا اقمولا وبلىسى اكىمىنىڭ تاپسىرماسى بويىنشا اۋدان اكىمىنىڭ باسشىلىعىمەن جەدەل شتاب قۇرىلدى, ول جەم-ءشوپ دايىنداۋ بويىنشا ءىستىڭ جاعدايىنا مونيتورينگ جۇرگىزەدى», دەپ تۇسىندىردى عالىمجان ابدىقالىقوۆ.
بيىل وبلىسقا 70 ملرد تەڭگەگە جۋىق مەملەكەتتىك قولداۋ كورسەتىلدى, ونىڭ 39 ملرد تەڭگەسى – سۋبسيديالار جانە 31 ملرد تەڭگەسى – نەسيەلەندىرۋ. ءوڭىر ۇكىمەتتەن ءشوپ دايىنداۋ ءۇشىن قوسىمشا 10 مىڭ توننا ديزەل وتىنىن سۇرادى. شابۋ تەحنيكاسىمەن قامتاماسىز ەتۋ ماسەلەسى دە ايتىلدى.
وتىرىس قورىتىندىسى بويىنشا قوعامدىق كەڭەس اقمولا وبلىسىنىڭ اكىمىنە قۇرعاقشىلىققا بايلانىستى الدىن الۋ شارالارىن قابىلداۋ جانە جۇمىستى ۇيلەستىرۋ ءۇشىن بىرقاتار ۇسىنىمدار ازىرلەدى.
