ء«بىز ۇنەمى باعا بولجامى بويىنشا مونيتورنيگ جۇرگىزىپ وتىرامىز. بيىل قاڭتار ايىندا جاڭا تۇرعىن ءۇيدىڭ باعاسى 3,8 پايىزعا وسسە, قولدانىستاعى ءۇيدىڭ باعاسى 7,2 پايىزعا ارتقان. ال ماۋسىم ايىندا جاڭا ءۇيدىڭ باعاسى 0,9 پايىزدى كورسەتسە, قولدانىستاعى باسپانا باعاسى 1,2 پايىزدى قۇراپ وتىر. ايتار بولساق, پەتروپاۆل قالاسىندا قاڭتار-اقپان ايلارىندا قولدانىستاعى تۇرعىن ءۇيدىڭ باعاسى 5,6 كەيدە 4,6 پايىزعا دەيىن وسكەنى بايقالدى. ءساۋىر ايىندا تومەندەۋ بايقالدى ياعني 2,4 پايىزعا تومەندەدى, قازىر دە وسى باعا ساقتالىپ تۇر دەۋگە بولادى», دەدى ق. وسكەنباەۆ وكق-دە وتكەن ءباسپاسوز ءماسليحاتىندا.
ونىڭ ايتۋىنشا, ەلىمىزدە جاز ايلارىندا تۇرعىن ءۇي باعاسىنىڭ تۇراقتانۋى بۇعان دەيىن دە بولجاندى.
ء«بىزدىڭ بولجام بويىنشا تۇرعىن ءۇي باعاسى ماۋسىم-شىلدە ايلارىندا تۇراقتاندى, بۇعان دەيىن بولعان باعا ءوسىمى زەينەتاقى جيناعىن باسپانا الۋعا رۇقسات ەتىلۋىمەن بايلانىستى. بۇگىندە ول ماسەلە دە ءبىر رەتكە كەلدى. مەنىڭ جەكە بولجامىم بويىنشا الداعى قىركۇيەك ايىندا تۇرعىن ءۇي باعاسىنىڭ تومەندەۋى كۇتىلەدى», دەيدى ول.
