ولار 10 ايلىق ەسەپتىك كورسەتكىش مولشەرىندە ايىپپۇل تولەۋگە مىندەتتەلدى. بۇل جاعداي جاڭاوزەن قالالىق ءبىلىم ءبولىمى مەن اكىمدىك جانىنداعى كامەلەتكە تولماعانداردىڭ ءىسى جونىندەگى كوميسسيادا قارالدى.
ەستەرىڭىزگە سالا كەتەيىك, ماۋسىم ايىندا قىزىلساي اۋىلىندا وقۋشى ۆەلوسيپەدتەن قۇلاپ قولىن سىندىرادى. جاقىندارى دارىگەرگە اپارۋدىڭ ورنىنا ەمشىگە جۇگىنگەن. 10 كۇننەن سوڭ شۇعىل اۋرۋحاناعا تۇسكەن بالانىڭ وڭ قولى شىنتاعىنا دەيىن كەسىلدى. تاياۋدا ۇيىنە شىعارىلدى.
«اتا-انامەن تۇسىنىك جۇمىستارى جۇرگىزىلىا, ايىپپۇل سالىندى. مۇنىڭ ءبارى سوتتىڭ شەشىمىمەن جۇزەگە اسىرىلدى. كوپبالالى وتباسى ەكەن. ءبىزدىڭ وڭىرىمىزدە مۇنداي جاعداي ودان ءارى دە ورىن الماۋى ءۇشىن قورعانشىلىق-قامقورشىلىق ماماندارى, ءبىلىم سالاسى بويىنشا تاربيە جونىندەگى ماماندار اتا-انالارمەن كەڭ كولەمدە جۇمىستار جۇرگىزىپ جاتىر», دەدى ءبىلىم باسقارماسى باسشىسىنىڭ ورىنباسارى ايجاقسى تۇرجانوۆا.
