ايماقتار • 12 شىلدە، 2021

ءماجىلىس دەپۋتاتتارى اۋىل تۇرعىندارىمەن كەزدەستى

48 رەت كورسەتىلدى

ءماجىلىس دەپۋتاتتارى دۇيسەنباي تۇرعانوۆ جانە نۇرلىبەك وجاەۆ اتىراۋ وبلىسىنىڭ يساتاي اۋدانىنا جۇمىس ساپارىمەن باردى، دەپ حابارلايدى Egemen.kz.

قوس دەپۋتات 2022 جىلدىڭ سوڭىنا دەيىن اياقتالۋعا ءتيىس اتىراۋ-استراحان كۇرە جولىنىڭ قۇرىلىسىمەن تانىستى. پاندەميا كەزىندە جول سالۋ جۇمىستارى توقتاماعانىمەن، جەرگىلىكتى تۇرعىنداردىڭ ايتۋىنشا، قۇرىلىس باياۋ جۇرۋدە. ءماجىلىس دەپۋتاتتارى وسى ماسەلەنىڭ جاي-جاپسارىمەن تانىسىپ، قۇرىلىس جۇمىستارىن جۇرگىزىپ جاتقان مەكەمە وكىلدەرىمەن جۇزدەستى. ايتا كەتۋ كەرەك، قازىر 277 شاقىرىم جولدىڭ 53%-دان استام بولىگى اياقتالعان.

«قازىرگى ۋاقىتتا ەل ءىشى قاۋىپتى ىندەتتەن زارداپ شەگىپ وتىرعاندا، جول سالۋ جۇمىستارىنىڭ توقتاماي جۇرگىزىلۋى كوڭىلگە قۋانىش ۇيالاتادى. دەسە دە، بۇل ماسەلە حالىقتىڭ كوپ جىلدان بەرى كۇتكەنى، ابدەن شىنبايىنان وتكەنى دە بەلگىلى. سەبەبى، جول – ەلمەن ەلدى، اۋىلمەن اۋىلدى جالعايتىن نەگىزگى كورسەتكىشتىڭ اجىراماس بولىگى. سول ءۇشىن دە ماڭىزى مەن ءمانى بيىك وسى جول قۇرىلىسىنىڭ ساپالى جۇرگىزىلىپ، ۋاقىتىلى اياقتالۋى باستى نازاردا بولادى»، دەدى ءماجىلىس دەپۋتاتى نۇرلىبەك وجاەۆ.

ساپار بارىسىندا حالىق قالاۋلىلارى يساتاي اۋدانىنىڭ ورتالىعى اققىستاۋ اۋىلىندا تۇرعىندارمەن جۇزدەسىپ، ولاردىڭ ءوتىنىش-تىلەكتەرىن تىڭدادى. تۇرعىندار ەكولوگيالىق ماسەلەلەردى ورتاعا سالىپ، ۇسىنىستارىن دا جەتكىزدى. قازىر اۋدان سۋ تاپشىلىعىنىڭ سالدارىنان قيىندىق كورىپ وتىر. ويتكەنى، جايىلىم مەن شابىندىققا سۋ شىقپاي، ءتورت ت ۇلىكتىڭ جاعدايى قيىنداعان. ودان بولەك، كاسپي تەڭىزى دەڭگەيىنىڭ تومەندەۋىنە بايلانىستى قالىپتاسقان قيىندىقتار دا ايتىلدى. ءماجىلىس دەپۋتاتتارى اتالعان ماسەلەلەردىڭ وڭ شەشىلۋىنە كۇش سالاتىندارىن جەتكىزدى.

ودان ءارى دەپۋتاتتار جانباي اۋىلىنا ارنايى ات باسىن بۇرىپ، تۇرعىندارمەن كەزدەستى. جانبايلىقتار وزدەرىن تولعاندىرعان تۇيتكىلدى ماسەلەلەرىن ورتاعا سالدى. حالىق قالاۋلىلارى ءار ماسەلەنىڭ ۋاقىتىلى شەشىم تاباتىنىن ايتتى.

سوڭعى جاڭالىقتار

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار