«بۇگىندە ازىرلەنىپ جاتقان الەۋمەتتىك كودەكس «قارجىلاندىرۋ قىزمەت الۋشىعا ىلەسىپ ءجۇرۋى ءتيىس» قاعيداسىنا سايكەس بولۋى ءتيىس. قاراعاندىدا تۇراتىن مۇگەدەكتىگى بار ادامدار قوعامدىق كولىكتى جەرگىلىكتى بيۋدجەت قاراجاتى ەسەبىنەن تەگىن پايدالانادى. الايدا ەلورداعا كەلگەندە, قوعامدىق كولىكتە تەگىن جۇرە المايدى», دەدى كەڭەس مۇشەسى, قاراعاندى وبلىسى اكىمىنىڭ مۇگەدەكتىگى بار ادامدار ماسەلەلەرى جونىندەگى شتاتتان تىس كەڭەسشىسى نياز سۇندىتاليەۆ.
كەڭەس مۇشەسى, «ارمان – انك» قوعامدىق بىرلەستىگىنىڭ ۇيلەستىرۋشىسى گۇلنار وماروۆا ەرەكشە قاجەتتىلىكتەرى بار ازاماتتارعا ەكپە ەگۋ ماسەلەسىنە توقتالدى. ونىڭ ايتۋىنشا, بۇگىندە ۇيگە بارىپ ەكپە ەگۋ تەك توسەك تارتىپ جاتقاندار ءۇشىن عانا جۇرگىزىلەدى. سونداي-اق مۇگەدەكتىگى بار كوپتەگەن ادامنىڭ حاباردارلىعى تومەن بولعاندىقتان, ولار ەكپە ەگۋگە بولمايتىن جاعدايلار تۋرالى بىلمەيدى.
بۇعان جاۋاپ رەتىندە ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەرلان اۋكەنوۆ ەرەكشە قاجەتتىلىكتەرى بار ادامداردى ۆاكتسينالاۋ ماسەلەسى دەنساۋلىق ساقتاۋ مينيسترلىگىنىڭ وكىلدەرىمەن بىرگە جەرگىلىكتى جەرلەردە پىسىقتالاتىنىنا سەندىردى.
