ساياسات • 12 شىلدە، 2021

«ەلباسى جىلۋى» ءىس-شاراسىنىڭ ەكىنشى كەزەڭى باستالدى

34 رەت كورسەتىلدى

ەل وڭىرلەرىندە «ەلباسى جىلۋى» اۋقىمدى قايىرىمدىلىق ءىس-شاراسىنىڭ ەكىنشى كەزەڭى باستالدى. ول قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ باستاماسىمەن ۇيىمداستىرىلعان.

ءىس-شارانىڭ ماقساتى – از قامتىلعان كوپبالالى جانە ەرەكشە كۇتىمدى قاجەت ەتەتىن بالالارى بار وتباسىلارعا كومەك كورسەتۋ. ولارعا ۇن، كارتوپ، جەمىس، كۇرىش، قاراقۇمىق، شاي، قانت، كۇنباعىس مايى سياقتى ازىق-ت ۇلىكتەر، گيگيەنالىق زاتتار جانە باسقالار جەتكىزىپ بەرىلەدى. قايى­رىمدىلىق اكتسياسىنا ىلىككەن ءار وتباسى 130 كيلوگرامعا دەيىن تاۋار الا الادى.

ايتا كەتەيىك، بۇل ءىس-شارا ەكىنشى رەت وتكىزىلىپ وتىر. ول العاش رەت وسى جىلدىڭ ساۋىرىندە ۇيىمداستىرىلعان ەدى. ول كەزدە ازىق-ت ۇلىك ونىمدەرى جانە اسا قاجەت باسقا دا تاۋارلاردى ماڭعىستاۋ، شىعىس قازاقستان، اقمولا، سولتۇستىك قازاقستان، الماتى جانە تۇركىستان وبلىستارىنان 681 وتباسى العان.

بۇل جولى قايىرىمدىلىق ءىس-شاراسى تاراز، تالدىقورعان، ورال قالالارىندا، سونداي-اق الماتى جانە اقمولا وبلىستارىندا تۇراتىن 1 000 وتباسىنى قامتيدى.   

– مۇقتاج جاندارعا كومەك كورسەتۋگە ۇمتىلۋ – حالقىمىزعا ءتان قاسيەت. كورو­ناۆيرۋس پاندەمياسى ءبىزدىڭ قوعام­دا قايىرىمدىلىق باستامالارىن جۇزەگە اسىرۋعا دايىن جانداردىڭ كوپ ەكەنىن تاعى ءبىر رەت كورسەتتى. ونداي ادام­دار­دىڭ قاتارىنا «دەگدار» قورىنىڭ قىز­مەتكەرلەرىن، LIDER KZ ەرىكتىلەر قوزعا­لىسىنىڭ مۇشەلەرىن جاتقىزۋعا بولادى. ولار نۇرسۇلتان نازارباەۆ قورىمەن بىرگە ايماقتاردا «ەلباسى جىلۋى» ءىس-شاراسىن ۇيىمداستىرۋعا كومەك­تەسىپ ءجۇر، – دەيدى نۇرسۇلتان نازارباەۆ قورى اتقارۋشى ديرەكتورىنىڭ ورىنباسارى الكەي مارعۇلان ۇلى.      

ونىڭ ايتۋىنشا، «ەلباسى جىلۋى» – كوروناۆيرۋس پاندەمياسىنان زار­­­داپ شەككەندەرگە قولداۋ كورسەتۋگە با­عىتتالعان باستامالاردىڭ ءبىرى. «تۇڭ­عىش پرەزيدەنتتىڭ باستاماسىمەن قۇ­رىل­­عان Birgemiz قورىنىڭ جۇمىسى بارى­سىن­دا ميلليونداعان جەرلەسىمىز قار­جى­­لاي دا، ازىق-ت ۇلىك تۇرىندە دە كومەك الىپ، مەديتسينالىق زاتتارمەن قام­تىلدى. نۇرسۇلتان نازارباەۆ قورى قاتاڭ كا­ران­تيننىڭ العاشقى كۇندەرىنەن-اق مەدي­تسينالىق زاتتار ساتىپ الۋعا، مەديتسينا قىزمەتكەرلەرىن قولداۋعا 200 ميلليون تەڭگە ءبولدى. سودان كەيىن قور ەمدەۋ مەكە­مەلەرىنە كوروناۆيرۋس ينفەكتسياسىنان قورعاناتىن مەديتسينالىق قۇرالداردى، وكپەنى جاساندى تىنىستاندىرۋ ء(وجت) اپپاراتتارىن الىپ بەردى».

«دەگدار» قورىنىڭ ديرەكتورى لاۋرا احمەتوۆا وسى ءىس-شارا تۋرالى بىلاي دەدى: «جوبانىڭ ءبىرىنشى كەزەڭى ونىڭ ماڭىزى زور ەكەنىن كورسەتتى. ادامدار ءبىزدىڭ كومەگىمىزدى العىستارىن جاۋدىرا وتىرىپ قابىل الدى.

ءبىزدىڭ حالقىمىز قاشاندا ءبىر-بىرىنە قولعابىس جاساۋ داستۇرىمەن مىقتى. نۇرسۇلتان نازارباەۆ قورى مەن «دەگدار» قورىنىڭ باستاماسى ەلىمىزدەگى كوپتەگەن  قايىرىمدى جاننىڭ يگى ءىسى ارقىلى جال­عاسىن تابادى دەپ سەنەمىن».

سوڭعى جاڭالىقتار

الماتىدا ەپيداحۋال كۇردەلەنىپ بارادى

كوروناۆيرۋس • بۇگىن، 11:00

«سارى» ايماقتا تۇركىستان وبلىسى تۇر

كوروناۆيرۋس • بۇگىن، 09:10

كوروناۆيرۋس قايتا كۇشەيدى

كوروناۆيرۋس • بۇگىن، 08:54

وڭتايلىسى – ونلاين وقۋ

ايماقتار • بۇگىن، 08:53

ساپا ارتپايىنشا، سۋبسيديا جوق

ايماقتار • بۇگىن، 08:45

كوروناۆيرۋس قايتا ءورشىدى

الەم • بۇگىن، 08:42

ۆيرۋس جۇقتىرۋ ازايماي تۇر

كوروناۆيرۋس • بۇگىن، 08:30

اسىعىس شەشىم

قازاقستان • بۇگىن، 08:15

كومەك كورسەتىلەدى

قوعام • بۇگىن، 08:10

قور ستراتەگياسى ازىرلەنەدى

قازاقستان • بۇگىن، 08:00

ۇقساس جاڭالىقتار