تەحنولوگيا • 11 شىلدە، 2021

جاس وتانداستارىمىز دالدىگى مرت-دان جوعارى جوبانى ويلاپ تاپتى

124 رەت كورسەتىلدى

مەديتسيناداعى وزىق تەحنولوگيالاردىڭ مۇمكىندىگى ءبىز ويلا­عاننان الدەقايدا جوعارى. دەر كەزىندە دۇرىس دياگنوز قويىپ، ەمدەۋ ىسىندە جاڭىلىستىرمايتىن قۇرال-جابدىقتاردىڭ يگىلىگىن پايدالانۋ – زامان تالابى.

الماتى قالالىق جەدەل شۇ­عىل كومەك كورسەتۋ اۋرۋحانا­سىندا يشەميالىق جانە گەمور­راگيالىق ينسۋلتتىڭ اسا ءدال دياگنوستيكاسى ءۇشىن جاساندى ينتەللەكت Cerebra ەنگىزىلدى. نەي­روراديولوگيا سالاسىندا وسى ۋاقىتقا دەيىن پاتسيەنتتەرگە مرت ارقىلى دياگنوز قويىلىپ كەلگەنى بەلگىلى، بىراق ادامنىڭ كوزى كت سۋرەتىندە پايدا بولعان تسيتوتوكسيكالىق ءىسىنۋدى بايقاي المايدى. ونىڭ ۇستىنە، دارىگەر ينسۋلت دياگنوزىن سيمپتومدار بەلگى بەرگەننەن باستاپ 6 ساعاتتان كەيىن قويا الادى. ال ءينسۋلتتىڭ تەراپەۆتىك تەرەزەسى 4،5 ساعاتتى قۇرايدى.

Cerebra جوباسىن Alma­tyA.I.Lab لابوراتورياسىنىڭ جاس ماماندارى ويلاپ تاپقان. وتانداستارىمىز 2018 جىلدان باستاپ جاساندى ينتەللەكت تەحنولوگيالارىن دامىتۋمەن اينالىسىپ كەلە جاتىر. بارلىق ازىرلەۋشىلەر رفمم، سدۋ، قبتۋ، نازارباەۆ ۋنيۆەرسيتەتى، ماس­كەۋ مەملەكەتتىك ۋنيۆەرسيتەتى، بريتاندىق جەتەكشى ۋنيۆەرسيتەتتەر تۇلەكتەرى ەكەنىن ايتا كەتۋ كەرەك.

اتالعان جاساندى ينتەللەكتىڭ كومەگىمەن ينسۋلت 10 مينۋت ىشىندە تانىلادى. سونىمەن قاتار بۇل ميدىڭ زاقىمدانباعان پارەنحيما بولىگىمەن سالىستىرۋ ارقىلى يادروداعى تىندەردىڭ تىعىزدىعىنىڭ وزگەرۋىن ناق­تى­لاۋعا مۇمكىندىك بەرەدى. نا­تيجەسىندە، پاتسيەنتكە جەدەل ەمدەۋ تاعايىندالىپ، فۋنكتسيانى جوعالتۋ جانە نەۆرولوگيالىق تاپ­شىلىق قاۋپى ازايادى.

جاڭا سوفت مەديتسينادا ەرەكشە ماڭىزدى. سەبەبى ينسۋلت قا­زاقستانداعى ءولىم-ءجىتىمنىڭ نە­گىزگى سەبەپتەرىنىڭ ءبىرى بولىپ وتىر. جىلىنا 40 مىڭعا دەيىن ينسۋلت تىركەلسە، ونىڭ جارتىسى ولىمگە، ال 80%-ى مۇگەدەكتىككە اكە­لەدى. سونداي-اق ەلىمىز ينسۋلت دەرتى بەلەڭ الىپ تۇرعان 30 ەلدىڭ تىزىمىنە كىرەدى. ءبىز تىل­گە تيەك ەتىپ وتىرعان الماتى قالا­لىق جەدەل شۇعىل كومەك كورسە­تۋ اۋرۋحاناسىنىڭ ءوزى جىلىنا ين­سۋلتپەن مىڭ ناۋقاستى قابىل­دايدى.

– كوماندا جاس، بولاشاعى زور، كرەاتيۆتى، ونىڭ قۇرامىندا باعدارلاماشىلار، ماتەماتيك، فيزيك، نەيروراديولوگتەر بار، – دەيدى جوبا مەنەدجەرى مە­رۋەرت سايفۋللاقىزى. – ءبىز باع­­دار­لامالىق جاساقتامانى 3 جىل بويى مۇقيات ازىرلەدىك. وتان­دىق اۋرۋحانالاردان كت دەرەك­تەرىنىڭ ءارحيۆىن سۇرادىق. ەڭ ءبى­رىنشى بولىپ الماتى قا­لالىق جەدەل شۇعىل كومەك كور­سەتۋ اۋرۋحاناسىنىڭ باس دارى­گەرى الماز دجۋۆاشەۆ جاۋاپ بەرىپ، بىز­گە قولداۋ كورسەتتى. جال­پى، بۇل مالىمەتتەرمەن ەلى­مىزدە ماسەلە بار ەكەندىگىن جوق­قا شىعارۋعا بولمايدى. ويت­كەنى ولاردى تال­داۋعا ار­نالعان كت دەرەكقورى جوق. سون­دىقتان ءبىز جاساندى ين­تەللەكتى سىناۋ ءۇشىن ءبارىن بىر­تىندەپ جينادىق. ءوزىمىزدىڭ ونەر­تابىسىمىزبەن ءبىز اۋرۋحاناعا ۋاقىتىندا بارىپ، ناقتى دياگ­نوز قويىلعان جاعدايدا ءين­سۋلتتىڭ ەمدەلەتىنىن، ميدى زا­­قىمدانۋدان ساقتاۋعا بولاتىنىن دالەلدەگىمىز كەلەدى. مي­دىڭ وزگەرۋ ناتيجەلەرى بو­يىنشا اقپاراتتى اۆتوماتتى تۇردە بەرەتىن Cerebra ءموبيلدى قوسىمشاسىن پايدالانىپ، ءبىز ۋاقىتتى بارىنشا ۇنەمدەيمىز، ءارى بارلىق ەمدەۋشى توپ ءبىر جەلىدە بولىپ، كەڭەس بەرە الادى.

سونىمەن Cerebra كومەگىمەن دياگنوز قالاي قويىلادى؟ كت سۋرەتىن العاننان كەيىن باعدارلاما ميدىڭ 3D مودەلىن جاسايدى، سودان كەيىن نەيروندىق جەلى ولاردى وڭدەيدى جانە ناتيجەنى ميدىڭ زاقىمدانعان ايماقتارىن كورسەتەتىن اناليتيكالىق ەسەپ تۇرىندە بەرەدى. بۇل بىرنەشە مينۋت ۋاقىتتى الادى. ال ينسۋلت كەزىندە time is brain «ۋاقىت دەگەن مي» – ۋاقىت وتە ماڭىزدى.

بۇگىندە Cerebra ءينسۋلتتىڭ 85%-ىندا دۇرىس دياگنوز قويۋ­عا كومەكتەسەدى، سوندىقتان ازىرلەۋ­شىلەر قوسىمشا مالىمەتتەر جيناۋ ارقىلى ونى جەتىلدىرە بەرمەك. ال ەڭ باستىسى، ناۋقاستار دالىرەك دياگنوستيكادان ءوتىپ، ولاردىڭ ساۋىعۋ مۇمكىندىگى ارتادى.

 

الماتى

 

سوڭعى جاڭالىقتار

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

دوللار ارزاندادى

قارجى • كەشە

ۇقساس جاڭالىقتار