جوعارىداعى ناتيجە قالىڭ كورەرمەندى اسا تاڭداندىرا قويعان جوق. سەبەبى, بۇگىنگى تاڭدا ەشلي ءبارتيدىڭ الدىنا تۇسەتىن ويىنشى كەمدە-كەم. ول – الەمنىڭ ءبىرىنشى راكەتكاسى. 25 جاستاعى جاسىل قۇرلىقتىڭ وكىلى بۇعان دەيىن دە كوپتەگەن ءدۇبىرلى دودالاردا دارالانعان. اتاپ ايتساق, 2019 جىلى «ۋيمبلدوندا» توپ جاردى, بىلتىر اۋستراليانىڭ اشىق بىرىنشىلىگىنىڭ فينالىندا وينادى جانە WTA تۋرنيرلەرىن 11 مارتە ۇتتى.
بيىل لوندونداعى جارىستا بارتي كارلا سۋراەس-ناۆاررو (يسپانيا), اننا بلينكوۆا (رەسەي), كاتەرجينا سينياكوۆا مەن باربورا كرەيچيكوۆا (چەحيا), ايلا تومليانوۆيچ (اۋستراليا) جانە انجەليكا كەربەردى (گەرمانيا) قاپى قالدىرىپ, فينالدا چەحيانىڭ تاعى ءبىر وكىلى كارولينا پليشكوۆامەن شەبەرلىك بايقاستى. بۇل تارتىس 6:3, 6:7, 6:3 ەسەبىمەن الەمنىڭ ەڭ ۇزدىك تەننيسشىسىنىڭ پايداسىنا شەشىلدى.
ەستەرىڭىزگە سالا كەتەيىك, قازاقستاندىقتار اراسىنان ايتۋلى تۋرنيردە ەڭ ءتاۋىر كورسەتكىشكە ەلەنا رىباكينا قول جەتكىزدى. ول ءتورتىنشى كەزەڭگە دەيىن جەتىپ, سول مەجەدە بەلارۋسسيالىق ارينا سوبولەنكوعا ەسە جىبەردى.
