ايماقتار • 10 شىلدە، 2021

الماتىدا 40-قا جۋىق مەكەمە Ashyq جوباسىنان شىعارىلدى

63 رەت كورسەتىلدى

قالا اكىمدىگىنىڭ مالىمەتىنشە، ەكى اپتالىق تەكسەرۋدەن كەيىن 39 كاسىپكەر Ashyq جۇيەسىنەن شەتتەتىلگەن.. ەندىگى جەردە تالاپ ساقتاماعانى ءۇشىن ولارعا جۇيەگە كىرۋگە تىيىم سالىندى.  بۇگىندە قالا بويىنشا جوبادا 2300-دەن استام قاتىسۋشى بار. Ashyq جۇيەسى كارانتين رەجيمىندە جۇمىستى قالپىنا كەلتىرۋگە سەپتىگىن تيگىزدى. كاسىپكەرلىك نىسانداردىڭ جۇمىسىن مونيتورينگتىك توپتار تەكسەرەدى، دەپ حابارلايدى Egemen.kz.

جوبا تەكسەرۋشىلەرىنىڭ ايتۋىنشا، جوبادان شەتتەتىلۋگە كەلۋشىلەردىڭ مەكەمەگە كىرگەن كەزدە QR-كود ارقىلى سكانەرلەنبەۋى سەبەپ بولعان.  جوبانىڭ اۋتسايدەرلەرى جوبادان شىعارىلادى. جوبادا جاقسى قىرىمەن تانىلعان 108 قاتىسۋشى بار. ادال كاسىپكەرلەردىڭ ارقاسىندا وسى جىلدىڭ 9 ءساۋىرى مەن 1 شىلدەسى ارالىعىندا Ashyq ءموبيلدى قوسىمشاسىنىڭ كومەگىمەن الماتىنىڭ 1463 تۇرعىنىندا 2 قىزىل مارتەبەسى، 372 تۇرعىنىندا سارى مارتەبەسى بار.

قىزىل مارتەبەسى بار ادامدار تاماقتانۋ ورىندارىندا انىقتالدى. مىسالى، ونلاين رەجيمىندە قىزىل مارتەبەسى بار 295 جانە سارى مارتەبەسى بار 40 قالا تۇرعىنى تىركەلدى. سونداي-اق اۋەجايدا ۆيرۋس جۇقتىرعان جانە بايلانىستا بولعان ادامدار انىقتالدى.  قىزىل مارتەبەسى بار 46 تۇرعىن مەن سارى مارتەبەسى بار 9 ادام راستالدى.

تەكسەرۋشىلەر كاسىپكەرلەرگە ءتۇسىندىرۋ جۇمىستارىن جۇرگىزدى. سونداي-اق باسقا كەلۋشىلەردىڭ ىندەتتى جۇقتىرماسى ءۇشىن كارانتين تالاپتارىن ورىنداۋ قاجەتتىلىگى ەسكەرتىلدى.

الماتىنىڭ 40 مونيتورينگتىك توبى كارانتين تالاپتارىنىڭ ساقتالۋىن تەكسەرۋدە. الايدا مەگاپوليس تۇرعىندارى، ويىن-ساۋىق ورىندارىنىڭ يەلەرى كارانتين شەكتەۋلەرىن ەلەمەي، بانكەت، توي وتكىزىپ، جينالىس ۇيىمداستىرۋدا. جىل باسىنان بەرى كارانتين تالابىن ساقتاماعاندارعا جالپى سوماسى 341 ملن تەڭگە كولەمىندە 4634 حاتتاما تولتىرىلدى.

الماتى قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتى تاراتقان مالىمەتكە سايكەس بيىل 28910 نىسان تەكسەرىلىپ، كارانتين شارالارىن بۇزعان 2546 نىسان انىقتالدى.

4634 حاتتاما جاسالسا، سونىڭ ىشىندە زاڭدى تۇلعالارعا 157 596 260 تەڭگە سوماسىنا 450 حاتتاما تولتىرىلدى. جەكە تۇلعالارعا قاتىستى بەتپەردە رەجيمىن بۇزعانى ءۇشىن 183 464 715 تەڭگە سوماسىنا 4184 حاتتاما تولتىرىلدى.

جۇيەلى بۇزۋشىلىقتار ءۇشىن مامانداندىرىلعان اۋدانارالىق اكىمشىلىك سوتتارعا 75 ماتەريال جولداندى. ونىڭ 64-ءى بويىنشا قىزمەتتى توقتاتا تۇرۋ تۋرالى شەشىم قابىلداندى.

مىسالى، 8 شىلدەگە قاراعان ءتۇنى الماتىدا بەلگىلەنگەن شەكتەۋلەردى بۇزعان 11 جاعداي انىقتالدى. وسى ءتۇنى بوستاندىق اۋدانىنداعى مونيتورينگتىك توپ وكىلدەرى Paradise كافەسىن تەكسەردى. كافەدە 150-گە جۋىق ادام بولدى. 

وسى ۋاقىتتا المالى اۋدانىندا تەكسەرۋشىلەر شامامەن 70 كەلۋشى بولعان تاگلاۋرا كافەسىن  انىقتادى.

كەيبىرەۋى كارانتين شارالارىن بۇزسا، الماتىنىڭ باسقا تۇرعىندارى كوروناۆيرۋس ىندەتىنەن ەمدەلۋدە. 9 شىلدەدە مەگاپوليستە قاۋىپتى ىندەتتى جۇقتىرعان 491 جاڭا ناۋقاس تىركەلدى.

الماتى قالاسىنىڭ اكىمدىگىندە تۇرعىنداردى قانداي دا ءبىر مەرەكەگە بارۋعا كەلىسپەس بۇرىن ادام كوپ جينالاتىن ورىندارعا بارۋدان باس تارتۋعا شاقىردى. جابىق ءۇي-جايلاردا قالا تۇرعىندارى ءوز دەنساۋلىعىنا قاۋىپ توندىرەدى.

ساراپشىلاردىڭ ايتۋىنشا، تەك بىرلەسكەن كۇش-جىگەر ينفەكتسيانىڭ قارقىندى تارالۋىن تەجەيدى. الماتى قالاسىندا ىندەتتى الدىن الۋ ءۇشىن ەپيدەميولوگتار، سانيتارلىق دارىگەرلەر، اۋرۋحانالاردىڭ، ەمحانالاردىڭ، گوسپيتالداردىڭ مەديتسينالىق پەرسونالى قولىنان كەلگەننىڭ ءبارىن جاساۋدا. بۇل جاعدايدا ولارعا تۇرعىنداردىڭ دا كومەگى قاجەت.

 

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

جاس تەننيسشىلەر جارادى

تەننيس • بۇگىن، 08:32

تۇتىنۋشى قۇقىعىن قورعايدى

قازاقستان • بۇگىن، 08:27

ۇقساس جاڭالىقتار