كونكۋرستىق ىرىكتەۋدەن وتكەن ستيپەندياتتار ماگيستراتۋرا مەن دوكتورانتۋراعا ءتۇسىپ نەمەسە قازاقستاندا ۇلكەن سۇرانىسقا يە ماماندىقتار بويىنشا الەمنىڭ جەتەكشى جوعارى وقۋ ورىندارىندا تاعىلىمدامادان وتەتىن بولادى.
«بولاشاق» ستيپەندياسىن تاعايىنداۋ ءۇش رەت ءوتىپ, قورىتىندىسى ماۋسىم, تامىز جانە قاراشا ايلارىندا بەلگىلى بولادى.
«ستيپەنديالار «مەديتسينا», «جاراتىلىستانۋ جانە الەۋمەتتىك عىلىمدار», ء«بىلىم بەرۋ», «يننوۆاتسيالار جانە جاڭا تەحنولوگيالار», «كرەاتيۆتى يندۋستريا», سونداي-اق «يندۋستريالىق ينجەنەريا» باعىتتارى بويىنشا بولىنگەن. 2021 جىلى «بولاشاق» باعدارلاماسى بويىنشا وقۋعا بارلىعى 1055 ستيپەنديا ءبولىندى, ونىڭ ىشىندە 555 ستيپەنديا ماگيستراتۋرا, رەزيدەنتۋرا, دوكتورانتۋرا باعدارلامالارى بويىنشا ءبولىندى. بيىل العاش رەت «عالىمدار» تاعىلىمداماسىنىڭ جاڭا ساناتى بويىنشا 500 ستيپەنديا ءبولىندى. بۇل سانات مەملەكەت باسشىسى قاسىم-جومارت توقاەۆتىڭ تاپسىرماسى بويىنشا قۇرىلدى. بۇل شىن مانىندە بۇرىن-سوڭدى بولماعان شارا. ەندى جىل سايىن ەلىمىزدىڭ 500 عالىمى الەمنىڭ جەتەكشى عىلىمي ورتالىقتارىندا تاعىلىمدامادان ءوتىپ, وسى ورتالىقتاردىڭ زەرتحانالارى بازاسىندا بىرلەسكەن زەرتتەۋلەر جۇرگىزە الادى. ءبىز عالىمدارىمىزدى بەلسەندىلىك تانىتىپ, شاكىرتاقى تاعايىنداۋعا قاتىسۋعا شاقىرامىز», دەدى ءبىلىم جانە عىلىم ۆيتسە-ءمينيسترى قۋانىش ەرعاليەۆ.
ەسكە سالا كەتسەك, «بولاشاق» حالىقارالىق ستيپەندياسىن تاعايىنداۋ كونكۋرسىنا قاتىسۋ ءۇشىن قۇجاتتاردى قابىلداۋ 4 مامىردان باستالىپ, 28 قازانعا دەيىن جالعاسادى.
