ينفەكتسيالىق جانە پارازيتتىك اۋرۋلاردىڭ پايدا بولۋى مەن تارالۋىنىڭ الدىن الۋ ماقساتىندا دەنساۋلىق تۋرالى كودەكستە كوزدەلگەن سانيتارلىق-ەپيدەمياعا قارسى ءىس-شارالاردىڭ ءبىرى – پروفيلاكتيكالىق ەكپەلەر.
مەديتسينالىق قارسى كورسەتىلىمدەرى جوق, قازاقستان رەسپۋبليكاسى اۋماعىندا تۇراقتى تۇراتىن جەكە تۇلعالار ينفەكتسيالىق جانە پارازيتتىك اۋرۋلارعا قارسى ەكپەلەردى الۋعا مىندەتتى (كودەكستىڭ 85-بابىنىڭ 4 جانە 8-تارماقتارى), ولاردىڭ قاتارىنا كۆي-عا قارسى پروفيلاكتيكالىق ەكپە دە جاتادى (قازاقستان رەسپۋبليكاسى ۇكىمەتىنىڭ 2020 جىلعى 24 قىركۇيەكتەگى № 612 قاۋلىسىنا سايكەس).
وسىلايشا, مەديتسينالىق قارسى كورسەتىلىمدەرى جوق ادامدار ءۇشىن كۆي-عا قارسى مىندەتتى ۆاكتسينالاۋدىڭ قۇقىقتىق نەگىزدەرى بار جانە بۇل «مەملەكەت ادامنىڭ ءومىر ءسۇرۋى مەن دەنساۋلىعىنا قولايلى اينالاداعى ورتانى قورعاۋدى ماقسات ەتىپ قويادى» دەگەن كونستيتۋتسيالىق نورماعا سايكەس كەلەدى (كونستيتۋتسيانىڭ 31-بابى).
ادامنىڭ جانە ازاماتتىڭ قۇقىقتارى مەن بوستاندىقتارىنا كەپىلدىك بەرە وتىرىپ, قر كونستيتۋتسياسى مۇنداي شەكتەۋدىڭ جول بەرىلەتىن شەكتەرىن بەلگىلەي وتىرىپ, ولاردى شەكتەۋ مۇمكىندىگىن جوققا شىعارمايدى. ادامنىڭ قۇقىقتارى مەن بوستاندىقتارىن جانە حالىقتىڭ دەنساۋلىعىن قورعاۋ ماقساتىندا عانا قۇقىقتار مەن بوستاندىقتار شەكتەلۋى مۇمكىن (كونستيتۋتسيانىڭ 39-بابىنىڭ 1-تارماعى).
«ەگەمەن-اقپارات»
