دەنساۋلىق ساقتاۋ ءمينيسترى ا.تسوي كوروناۆيرۋس ينفەكتسياسى بويىنشا سىرقاتتانۋشىلىق كورسەتكىشىنىڭ وسۋىنە بايلانىستى بارلىق وڭىرلەر كۇشەيتىلگەن شەكتەۋ شاراسىن قابىلداعانىن اتاپ ءوتتى. بۇل رەتتە سوڭعى 2 اپتادا ماڭعىستاۋ وبلىسىندا COVID-19 ينفەكتسياسىن جۇقتىرۋ جاعدايلارىنىڭ 2,7 ەسە, اقتوبە وبلىسىندا 2,1 ەسەگە ارتقانى بايقالادى. ۆيتسە-پرەمەر اتالعان وڭىرلەردە كۆي-مەن اۋىرۋدىڭ ارتۋى حالىقتى ۆاكتسينالاۋدىڭ تومەن قارقىنىمەن تىكەلەي بايلانىستى ەكەنىن اتاپ ءوتتى. ماسەلەن, ماڭعىستاۋ وبلىسىندا ءتيىستى كونتينگەنتتەن حالىقتىڭ نەبارى 19,7%-ى, اقتوبە وبلىسىندا – 31,4%-ى, باتىس قازاقستان وبلىسىندا 31,6%-ى ەكپە سالدىرعان.
ۆاك توراعاسى حالىقتى ۆاكتسينالاۋدىڭ پايداسى مەن تيىمدىلىگى تۋرالى اقپاراتتىق-ءتۇسىندىرۋ جۇمىستارىن كۇشەيتۋدى تاپسىردى. سونداي-اق اسىرەسە, الماتى, ماڭعىستاۋ جانە اقتوبە وبلىستارىندا كارانتيندىك رەجىمدى ساقتاۋدى باقىلاۋ جونىندەگى مونيتورينگ توپتارىنىڭ جۇمىس بەلسەندىلىگىنىڭ جەتكىلىكسىز ەكەنى ايتىلدى. وتىرىس سوڭىندا پرەمەر-ءمينيستردىڭ ورىنباسارى حالىقتى كوروناۆيرۋس ينفەكتسياسىنا قارسى ۆاكتسينالاۋمەن قامتۋدى ۇلعايتۋ قاجەتتىگىن تاپسىردى.
«ەگەمەن-اقپارات»
