8 شىلدە كۇنى ساعات 10:40 شاماسىندا قوستاناي وبلىسىنىڭ «پريگورودنوە» ورمان شارۋاشىلىعى باسقارماسىنىڭ اۋماعىندا جالىن شىعىپ, قاراعاي مەن قايىڭ ۇگىندىلەرى ورتەندى. ورتكە ءورت قاۋىپتىلىگىنىڭ 5-ءشى توتەنشە كلاسى بەرىلدى. ءورتتىڭ الدىن-الا اۋماعى شامامەن 300 گەكتاردى قۇرادى.
«ىستىق اۋا-رايى, جالىن مەن قاتتى جەل ءورتتىڭ تارالۋىنا ىقپال ەتىپ, ءورت ءسوندىرۋ جۇمىستارىن ءبىرشاما قيىنداتادى. قازىرگى كەزدە ءورتتىڭ شىعۋ سەبەپتەرى انىقتالۋدا. ءورتتى سوندىرۋگە بارلىعى 305 ادام مەن 35 بىرلىك تەحنيكا, تجد, جەرگىلىكتى اتقارۋشى ورگانداردىڭ كۇشتەرى مەن قۇرالدارى, قر ءىىم اكادەمياسىنىڭ, قوستاناي اۋدانىنىڭ پوليتسيا ءبولىمىنىڭ كۋرسانتتارى جۇمىلدىرىلدى», دەپ حابارلادى قوستاناي وبلىسىنىڭ توتەنشە جاعدايلار دەپارتامەنتى.
قازا بولعاندار مەن زارداپ شەككەندەر جوق.
ءورت ورنىندا جەدەل شتاب قۇرىلىپ, اۋە بارلاۋى جۇرگىزىلۋدە.
