باتىس قازاقستان وبلىسى اكىمىنىڭ ءباسپاسوز قىزمەتىنىڭ مالىمدەۋىنشە, جۇماگەلدى جولدىباي ۇلى 1982 جىلى باتىس قازاقستان وبلىسى سىرىم اۋدانىندا دۇنيەگە كەلگەن.
جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىن قارجى جانە نەسيە, باتىس قازاقستان ينجەنەرلىك-گۋمانيتارلىق ۋنيۆەرسيتەتىن قۇقىقتانۋ ماماندىقتارى بويىنشا تامامداعان.
قىزمەت جولىندا سىرىم اۋداندىق ەڭبەك, جۇمىسپەن قامتۋ جانە حالىقتى الەۋمەتتىك قورعاۋ ءبولىمىنىڭ جەتەكشى مامانى, بقو كولىك جانە كوممۋنيكاتسيالار باسقارماسىنىڭ جەتەكشى, باس مامانى, بقو كاسىپكەرلىك جانە ونەركاسىپ باسقارماسى سىرتقى ەكونوميكالىق بايلانىستار, تۋريزم جانە ليتسەنزيالاۋ ءبولىمىنىڭ باستىعى, وسى باسقارمادا ونەركاسىپ جانە جەر قويناۋىن پايدالانۋ ءبولىمىنىڭ باستىعى, بقو اكىمى اپپاراتىنىڭ اقپاراتتىق تەحنولوگيالار جانە مەملەكەتتىك قىزمەتتەر مونيتورينگى ءبولىمىنىڭ باسشىسى قىزمەتتەرىن اتقاردى.
2019 جىلدان «Aqjaiyq» الەۋمەتتىك-كاسىپكەرلىك كورپوراتسياسى» اق-نىڭ ينۆەستيتسيالىق دامۋ جانە ينۆەستيتسيادان كەيىنگى سۇيەمەلدەۋ دەپارتامەنتىنىڭ ديرەكتورى بولدى.
