ساربازدار ءبىر جىل ىشىندە اسكەري ماماندىقتاردى يگەرىپ, جاۋىنگەرلىك دايىندىقتا جاقسى ناتيجەلەرگە قول جەتكىزگەن. سونداي-اق, ولار وقۋ-جاتتىعۋلاردا جوعارى جاۋىنگەرلىك شەبەرلىك كورسەتكەن.
ء«بىز ءبىر جىلدا ناعىز باتىلدىق پەن ەرگە ءتان مىنەزدىڭ سىناعىنان وتتىك. ومىرلىك ۇستانىمىمىزدى قايتا قاراستىردىق. كومانديرلەر ارقاشان قاسىمىزدان تابىلىپ, قولداۋ كورسەتتى. اقىل-كەڭەسىن بەردى» دەيدى ەفرەيتور رۋسلان سكوبتسوۆ. اسكەري قىزمەتتىك مىندەتىن ادال اتقارىپ, ۇلگىلى ءتارتىبى, جاۋىنگەرلىك دايىندىقتاعى جوعارى كورسەتكىشى ءۇشىن اسكەري قىزمەتشىلەر ديپلومدارمەن, العىس حاتتارمەن جانە باعالى سىيلىقتارمەن ماراپاتتالدى. بىرقاتار اسكەري قىزمەتشىلەرگە اسكەري شەن بەرىلدى. «جاۋىنگەرلىك تۋمەن قوشتاسقان ساربازدار «مەن قازاقپىن» ءانىن شىرقاپ, الاڭدا ساپپەن ءجۇرىپ ءوتتى. ولاردىڭ اراسىندا قارۋلى كۇشتەر قاتارىندا كەلىسىمشارتپەن اسكەري قىزمەتتى جالعاستىرۋعا نيەت بىلدىرگەندەر بار», دەپ حابارلادى اتىراۋ گارنيزونىنىڭ ءباسپاسوز قىزمەتى.
