ايماقتار • 08 شىلدە، 2021

اقتوبەدەگى جىلقىشىلار قاۋىمداستىعى مال ازىعىن تەگىن تاراتپاق

31 رەت كورسەتىلدى

اقتوبەلىك شارۋالار بىرىگىپ، قۋاڭشىلىققا تاپ بولعان ماڭعىستاۋلىقتارعا مال ازىعىن تەگىن تاراتاتىن بولادى، دەپ حابارلايدى Egemen.kz.

اقتوبەدەگى جىلقىشىلار قاۋىمداستىعى ماڭعىستاۋلىقتارعا 1370 وراما مەن 1 مىڭ تاي ءشوپ دايىندادى. 

«شىڭعىس»، «جانسايا»، «قايسار»، «ادىلبەك»، «ايجارىق»، «الاقوزى»، «كوكۇي»، «ارمان-م»، «نۇر» سەكىلدى بىرنەشە شارۋالىقتار بىرىككەن.

ء«وز تاراپىمىزدان كومەك كورسەتۋدىڭ ەكى جولىن ۇسىندىق. دايىن مال ازىعىن ادامدار وزدەرى الىپ كەتسەت بولادى. ول كەزدە ءبىز ءبارىن تەگىن تيەپ بەرەمىز. وزدەرى اكەتە المايتىن شارۋالارعا جەم-ءشوپتى ءوزىمىز جەتكىزىپ بەرەمىز. ال ولار، ءوز كەزەگىندە، اقتوبەدەگى ءشوپ قۇنىن تولەيدى. سونىمەن قاتار، كومەككە اسا مۇقتاج وتباسىلارعا تەگىن جەتكىزۋدى جوسپارلاپ وتىرمىز. بىراق بۇنىڭ قيىندىعى - حالىق اراسىندا تالاس تۋى مۇمكىن. قالاي دەسەك تە، ءبىز وسى ارقىلى ماڭعىستاۋلىقتاردى قيىندىقتا قولدايتىنىمىزدى، تىعىرىقتان شىعار جولدى بىرگە ىزدەيتىنىمىزدى كورسەتەمىز. ەل باسىنا قيىن كۇن تۋعاندا بىرىگۋ قاجەت. ۇسىنىسىمىزدى كوبىسى قولدادى»، دەدى «جانتىزەر» شق باسشىسى باقىتجان ەرجانوۆ.

قازىرگى كەزدە اۋا رايىنا بايلانىستى تاسىمالداۋ جۇمىستارى ۋاقىتشا قيىندىق كورۋدە.

«ماڭعىستاۋ وبلىسى اكىمىنىڭ ورىنباسارىمەن تىركەلەي بايلانىس ورناتتىق. ءشوپ الۋعا كەلگەندەردىڭ ناعىز سول جاقتىڭ تۇرعىنى ەكەنىن الدىن الا انىقتاپ الامىز»، دەدى باقىتجان ەرجانوۆ.

 

 

 



سوڭعى جاڭالىقتار

ۇقساس جاڭالىقتار