ەسىرتكى زەرتحاناسى مەفەدرون جانە امفەتامين سياقتى سينتەتيكالىق ەسىرتكى وندىرۋمەن اينالىسقانى بەلگىلى بولدى.
«ەسىرتكى زەرتحاناسى مەن ولاردى ءارى قاراي ساتۋ ءۇشىن ۇيىمداستىرىلعان ينتەرنەت-دۇكەن ەلوردانىڭ ەليتالىق تۇرعىن ءۇي كەشەندەرىنىڭ بىرىندە جالدامالى پاتەردە ورنالاسقان. ء«وندىرىس» ۇيىمداستىرۋشىسى سينتەتيكالىق ەسىرتكىنى ءوندىرۋ جانە ودان ءارى ساتۋ ءۇشىن العان بىلىمدەرىن پايدالانعان 27 جاستاعى سەرتيفيكاتتالعان بيوتەحنولوگ ەكەنى انىقتالدى. ءتىنتۋ بارىسىندا كۇدىكتىدەن سينتەتيكالىق ەسىرتكىلەردى دايىنداۋ فورمۋلالارى بار داپتەر, ەلەكتروندى تارازىلار, پسيحواكتيۆتى زاتتاردى وندىرۋگە ارنالعان حيميالىق كومپونەنتتەر, پسيحوتروپتىق زاتتار سالىنعان كولبالار, بۋىپ-تۇيۋگە ارنالعان پوليەتيلەن پاكەتتەر, ەسىرتكى ديلەرى وتكىزگەن دەربەس كومپيۋتەر, سونداي-اق سالماعى 10 گرامنان اساتىن ساتۋعا دايىن «سينتەتيكا» تابىلىپ, تاركىلەندى», دەپ حابارلادى پوليتسيادان.
ۇستالعان ادام ەسىرتكىنى ءوزىنىڭ ينتەرنەت-دۇكەنى ارقىلى ادامدار كوپ جينالاتىن جەرلەردە, ساياباقتاردا جانە ويىن الاڭدارىندا قالدىرعان بەتبەلگىلەر ارقىلى ساتقان.
«ەلوردانىڭ قالالىق ساياباقتارىنىڭ بىرىندە جەدەل-تەرگەۋ ءىس-شارالارى بارىسىندا ۇستالعان ازامات پوليتسيا قىزمەتكەرلەرىنە ەسىرتكى سالىنعان قوقىس جاشىكتەرىن كورسەتتى. جۇرگىزىلگەن وپەراتسيا ناتيجەسىندە ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى زاڭسىز اينالىمنان سينتەتيكالىق ەسىرتكىنىڭ 60-تان استام ءبىر رەتتىك دوزاسىن تاركىلەدى», دەپ تولىقتىردى پوليتسيا.
كۇدىكتى قاماۋعا الىنىپ, قىلمىستىق كودەكستىڭ 297-بابىنىڭ 3-بولىگى بويىنشا مۇلكى تاركىلەنىپ, 15 جىلعا دەيىن باس بوستاندىعىنان ايىرۋدى كوزدەيتىن ايىپ تاعىلدى.
ءتارتىپ ساقشىلارى اتاپ وتكەندەي, جىل باسىنان بەرى بۇل ەكىنشى وقيعا. بۇدان بۇرىن التى اي ىشىندە زاڭسىز اينالىمنان 45 كيلوگرامنان استام ءتۇرلى ەسىرتكى قۇرالدارى, ونىڭ ىشىندە گەروين, ماريحۋانا, گاشيش جانە سينتەتيكالىق ەسىرتكى تاركىلەنگەن زەرتحانا تابىلدى. 12 قىلمىستىق ءىس قوزعالدى.
