ساياسات • 08 شىلدە، 2021

ەكى مينيسترلىك «ەكىلىك» الدى. «ەڭبەك» باعدارلاماسىن ىسكە اسىرۋدا كوزبوياۋشىلىق كوپ

47 رەت كورسەتىلدى

Nur Otan پارتياسىنىڭ پارتيالىق باقىلاۋ كوميتەتى ەڭبەك جانە ۇلتتىق ەكونوميكا مينيسترلىكتەرىنىڭ «ەڭبەك» باعدارلاماسى اياسىنداعى جۇمىسىن قاناعاتتانارلىقسىز دەپ تانىدى.

جۇمىسپەن قامتۋدىڭ جالعان فاك­تىلەرى، جۇمىسپەن قامتۋ ورتالىق­تارىنىڭ ەسەبىندەگى ايلا-شارعىلار، بيۋدجەتتىك نەسيەلەردى ماقساتسىز پايدالانۋ جانە «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ مەملەكەتتىك باعدارلاماسىنىڭ ورىندالۋ ماسەلەلەرى Nur Otan-نىڭ پارتيالىق باقىلاۋ كوميتەتىنىڭ كەزەكتى وتىرىسىندا تالقىلاندى.

كوميتەت مۇشەسى، ءماجىلىس دەپۋتا­تى ءاليا ابسەمەتوۆانىڭ ايتۋىنشا، «ەڭبەك» باعدارلاماسىن ىسكە اسىرۋ ءۇشىن كەيىنگى 4 جىلدا رەسپۋبليكالىق بيۋدجەتتەن 600 ملرد. تەڭگەگە جۋىق قارجى بولىنگەن. الايدا باعدارلامانىڭ نىسانالى ينديكاتورلارى ءبىر-بىرىنە ۇقساپ قانا قويماي، كوبىنەسە ءبىرىن-ءبىرى قايتالايتىن بولىپ شىقتى. بۇل – قازىنا قارجىسى بوسقا شاشىلىپ جاتىر دەگەن ءسوز.

سونىمەن قاتار پارتيالىق باقى­لاۋ كوميتەتىنىڭ مۇشەلەرى ازاماتتار­دى جۇمىسقا تەك قاعاز جۇزىندە قابىلداۋ فاك­تىلەرىن انىقتادى. 2019 جىلى 118،8 مىڭ ازاماتتىڭ جۇمىسپەن جال­عان قام­تىلعانى اشكەرەلەنگەن. ياعني مۇنداي كوزبوياۋشىلىق تۇراقتى جۇ­مىسقا ورنالاسقانداردىڭ جالپى سانىنىڭ 31پايىزىنا دەيىن جەتكەندىگى دابىل قاعارلىقتاي.

«ماسەلەن، جۇمىس بەرۋشىلەر ءوز قىزمەتكەرلەرىن جۇمىستان شىعارىپ، ولاردى جۇمىسپەن قامتۋ ورتالىقتارى ارقىلى الەۋمەتتىك جۇمىس ورىندارىنا قايتا جۇمىسقا الادى. ناتيجەسىندە، ادام­دار بۇرىنعىشا جۇمىس ىستەي بەرە­دى، بىراق مەملەكەت ولاردىڭ تابى­سىنىڭ 35 پايىزىن سۋبسيديالايدى. وسىلايشا، جۇمىس بەرۋشىلەر ءوز شىعىندارىن مەملەكەت ەسەبىنەن جاۋىپ وتىر»، دەدى ءاليا ابسەمەتوۆا.

جاپپاي كاسىپكەرلىكتى دامىتۋدا دا جاعداي وڭىپ تۇرعان جوق. پارتيالىق باقىلاۋ كوميتەتىنىڭ اقپاراتى بويىنشا، پروكۋراتۋرا ورگاندارى 1،3 ملرد تەڭگەنىڭ نەسيەسى نەگىزسىز بەرىلگەن 341 فاك­­تىنى، جالپى سوماسى 555،3 ملن. تەڭ­گە­نى قۇرايتىن بيۋدجەتتىك نەسيە ماقسات­سىز پايدالانىلعان 180 فاكتىنى انىق­تاعان.

«كاسىپكەرلىكپەن اينالىسامىن دەگەندەردىڭ باسىم بولىگى بيۋدجەتتىك نەسيە العاننان كەيىن بىردەن ءوز قىز­مەتىن توقتاتادى. ءسويتىپ، ءتيىستى باقى­لاۋدىڭ بولماۋى سالدارىنان ادامدار بيۋدجەتتىك نەسيە ەسەبىنەن باسقا بانك­تەردەگى قارىزدارىن جاۋىپ، ءۇي مەن كولىك ساتىپ الادى»، دەدى ءاليا ابسە­مە­توۆا.

«ەڭبەك» باعدارلاماسى اياسىنداعى جاستار تاجىريبەسىنىڭ تيىمدىلىگى دە ماردىمسىز. ماماندىق بويىنشا بيۋدجەت ەسەبىنەن وقىتىلعانداردىڭ جالپى سانىنىڭ 25 پايىزى عانا جۇمىسقا ورنالاسادى.

پارتيالىق باقىلاۋ كوميتەتىنىڭ توراعاسى، ءماجىلىس دەپۋتاتى ارتۋر پلا­تونوۆتىڭ ايتۋىنشا، جۇمىسپەن قامتۋ سياقتى ماڭىزدى سالادا جاۋاپسىزدىق پەن بيۋروكراتيزم فاكتىلەرىنىڭ سانىنا جەتە المايسىڭ.

«وسى سالاعا جاۋاپتى ورتالىق جا­نە جەرگىلىكتى بيلىك ورگاندارىنىڭ لاۋا­زىمدى تۇلعالارى كوبىنە كورسەت­كىش­تەردىڭ سوڭىنا ءتۇسىپ، ناقتى احۋالدىڭ وزدەرى ادەمىلەپ «بوياعان» ەسەپتەردەن ايىرماشىلىعى كوپ ەكەنىن باي­قا­مايدى»،  دەدى ارتۋر پلاتونوۆ.

ءوز كەزەگىندە ەڭبەك جانە حالىق­تى الەۋمەتتىك قورعاۋ ءمينيسترى سەرىك شاپ­­كەنوۆ كەيىنگى 4 جىلدا «ەڭبەك» باع­­­دار­­لاماسى اياسىندا تۇراق­تى جۇ­مىس­قا 1،4 ميلليوننان استام ادام ورنا­لاس­تىرىلعانىن، بەي­رەسمي جۇ­مىس­پەن قامتىلعاندار سانى 400 مىڭ ادام­عا قىس­قارعانىن، ال جۇ­مىسسىزدىق دەڭگەيى 4،9 پايىز دەڭگەيىندە ساقتال­عانىن حا­بارلادى. سون­داي-اق ول مەملە­كەتتىك باع­دارلا­مانى جەتىلدىرۋ بويىنشا اتقارىلىپ جاتقان شارالار تۋرالى ايتىپ بەردى.

«جۇمىسپەن قامتۋدىڭ جالعان فاكتى­لەرىمەن كۇرەسۋ ءۇشىن وسى جىلدىڭ مامىر ايىنان باستاپ جۇمىسسىز رەتىن­دە تىركەلۋ، بيۋدجەتتىك نەسيە الۋعا ءوتى­نىم بەرۋ جانە وزگە دە قىزمەتتەر ەلەك­ترون­دى ەڭبەك بيرجاسى ارقىلى ون­لاين فور­ماتتا كورسەتىلەدى»، دەدى مي­نيستر.

وتىرىس قورىتىندىسى بويىنشا پارتيالىق باقىلاۋ كوميتەتى ەڭبەك مينيسترلىگى مەن ۇلتتىق ەكونوميكا مينيسترلىگىنىڭ «ەڭبەك» باعدارلاماسىن جۇزەگە اسىرۋ اياسىنداعى جۇمىسىن قاناعاتتانارلىقسىز دەپ تانۋعا قاۋلى ەتتى. ەڭبەك ۆيتسە-ءمينيسترى ەرجان ءبىرجا­نوۆتى «ەسكەرتۋ» تۇرىندەگى پارتيالىق جاۋاپكەرشىلىككە تارتۋ، ال قاراعاندى جانە تۇركىستان وبلىستارىنىڭ جۇ­مىسپەن قامتۋدى ۇيلەستىرۋ جانە الەۋ­مەتتىك باعدارلامالار باسقارما­لارى­نىڭ باسشىلارى اسەم جۇنىس­پەكوۆا مەن ءاسيا تەمىرباەۆاعا «ەسكەرتپە» تۇرىن­دەگى پارتيالىق جازا قولدانۋ ۇسى­نىلدى.

بۇعان قوسا، پارتيالىق باقىلاۋ كوميتەتى ەڭبەك جانە ۇلتتىق ەكونوميكا مينيسترلىكتەرىنە جۇمىسپەن قامتۋ باعدارلاماسىن باعالاۋ ادىستەمەسىن ازىرلەپ، ونى ساراپشىلىق جانە عىلىمي ورتادا تالقىلاۋدى، سونداي-اق جىل سايىن باعدارلامانى جۇزەگە اسىرۋ نا­تي­جەلەرىنىڭ اشىق قولجەتىمدى كوزدەر­دە جاريالانۋىن قامتاماسىز ەتۋدى ۇسىندى.

سوڭعى جاڭالىقتار

قازاقستاندا قانشا ادام ۆاكتسينا الدى

كوروناۆيرۋس • بۇگىن، 10:42

ۇقساس جاڭالىقتار