ايماقتار • 06 شىلدە، 2021

ۇلىتاۋ اۋدانىنداعى ءورتتىڭ شىعۋىنا نايزاعاي سەبەپشى بولعان

31 رەت كورسەتىلدى

قاراعاندى وبلىسىنىڭ ۇلىتاۋ اۋدانىنداعى جانگەلدى، اقتاس، امانگەلدى اۋىلدىق وكرۋگتەرى بويىنشا دالا تابيعي ورتتەرىنىڭ بولۋىنا بايلانىستى توتەنشە جاعداي رەجىمى جاريالاندى، دەپ حابارلايدى Egemen.kz.

ءورتتى ءسوندىرۋ بويىنشا وپەراتسيانى باسقارۋ وبلىس اكىمىنىڭ ورىنباسارى سەرىك شايداروۆقا تاپسىرىلدى.

«وبلىس اكىمىنىڭ تاپسىرماسى بويىنشا ۇلىتاۋ اۋدانىنا ۇشىپ كەلدىك. ءورت وشاقتارىن قاراپ شىقتىق. ءورتتىڭ پايدا بولۋ سەبەپتەرىنىڭ ءبىرى – قۇرعاق نايزاعاي»، دەپ مالىمدەدى ول.

سوڭعى جەتكەن مالىمەتتەرگە ساي، ءورت وشاقتارى توتەنشە جاعداي دەپارتامەنتىنىڭ باقىلاۋىندا. قازىرگى ۋاقىتتا مالى ولگەن نەمەسە جايىلىمدارى ورتەنىپ كەتكەن فەرمەرلەرگە كەلگەن زالالدى باعالاۋ جونىندە كوميسسيا قۇرىلعان.

جالپى، ۇلىتاۋ اۋدانىندا ءبىر مەزەتتە 12 وت وشاعى تىركەلگەن بولاتىن. شەڭبەر جانە امانگەلدى اۋىلدارىنىڭ اۋماعىندا ءورت ءىس جۇزىندە ءسوندىرىلدى. ال بايقوڭىر اۋىلىنداعى جاعداي قيىنداۋ بولىپ تۇر.

 قازىرگى ۋاقىتتا ۇلىتاۋ اۋدانىنداعى ءۇش اۋىلدىق وكرۋگتەگى دالا ورتتەرىن جويۋعا 266 ادام جانە 42 بىرلىك تەحنيكا جۇمىلدىرىلدى. بۇدان بولەك، قاراعاندىدان كومەككە 42 ادام جانە 4 بىرلىك تەحنيكا كومەككە كەلدى. جانار-جاعارماي جەزقازعان مەن ساتباەۆ قالالارىنان قامتاماسىز ەتىلگەن.

قاراعاندى وبلىسى تج دەپارتامەنتىنىڭ باستىعى پولكوۆنيك مۇرات قاتپانوۆ ءورتتى سوندىرۋگە جەرگىلىكتى اتقارۋشى ورگانداردان، ەرىكتى ءورت ءسوندىرۋ قۇرامالارىنان، سونداي-اق تج دەپارتامەنتىنەن تەحنيكا جانە ادام كۇشتەرىنىڭ جۇمىلدىرىلعانىن ءمالىم ەتتى.

«قازىرگى ۋاقىتتا پيونەر اۋىلىنا قاۋىپ ءتونىپ تۇرعان جوق. ەلدى مەكەننەن 3-5 شاقىرىم قاشىقتىقتا جانۋ وشاقتارى بولدى. ولار ينجەنەرلىك تەحنيكانىڭ كومەگىمەن اۋىزدىقتالدى جانە جويىلدى. ەڭ كۇردەلى ۋچاسكەلەر – قىستاۋلارعا، فەرمەرلىك شارۋاشىلىقتارعا وتتىڭ جاقىنداۋى جەدەل تۇردە وقشاۋلاندىرىلدى جانە جويىلدى»، دەپ حابارلادى م.قاتپانوۆ.

دەگەنمەن، جۇمىس ءالى دە جالعاسىپ جاتقان جەكە اۋماقتار بار. وقيعا ورىندارىنا قوسىمشا تجد قىزمەتكەرلەرىنىڭ كەلۋى كۇتىلۋدە. ولار ەڭ قيىن جەرلەرگە قويىلادى.

جەرگىلىكتى اتقارۋشى ورگاندار ءورت ءسوندىرۋدى ۇيىمداستىرۋ بويىنشا بارلىق قاجەتتى شارالاردى قابىلداپ جاتىر. جالپى جاعداي باقىلاۋدا ەكەنىن ايتا كەتكەن ءلازىم.

 

قايرات ءابىلدا،

«Egemen Qazaqstan»

قاراعاندى وبلىسى

 

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار