قۇرمەتتى وتانداستار!
بارشاڭىزدى استانا كۇنىمەن شىن جۇرەكتەن قۇتتىقتايمىز!
نۇر-سۇلتان قالاسى – تاۋەلسىز قازاقستاننىڭ ماقتانىشى جانە سيمۆولى, مەملەكەتىمىزدىڭ قارقىندى ءوسۋىنىڭ جارقىن مىسالى.
ءبىزدىڭ ەلوردا تاۋەلسىزدىكتىڭ 30 جىلدىعىن ساۋلەتى ءساندى, ءومىر سۇرۋگە ىڭعايلى, زاماناۋي جوعارى تەحنولوگيالىق مەگاپوليس رەتىندە قارسى الادى.
ءبىزدىڭ ارقايسىمىز تاۋەلسىز قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆقا استانانى كوشىرۋ باستاماسى ءۇشىن ەرەكشە ريزاشىلىق پەن العىس بىلدىرەتىنىمىز ءسوزسىز. ءبىز بۇگىنگى كۇن تۇرعىسىنان وسى ستراتەگيالىق قادامنىڭ اۋقىمدى جوسپارلارى مەن تاريحي ناتيجەسىن جوعارى باعالاي الامىز.
بۇگىندە بارشا قازاقستاندىقتار نۇر-سۇلتان قالاسىنا كەلۋگە ۇمتىلادى جانە ولاردىڭ ارقايسىسى استانامىزعا ءوز يدەيالارىن تارتۋ ەتەدى, شالقار شابىتپەن ەڭبەك ەتەدى, ەڭ باستىسى – تاتۋلىق پەن سىيلاستىقتى نىعايتۋعا كۇش سالادى. قالا بۇگىندە تاتۋلىق پەن كەلىسىم استاناسى مارتەبەسىنە يە.
قىمباتتى قازاقستاندىقتار!
جاس استانامىزدىڭ ابىرويى اسقاقتاپ, وركەندەي بەرسىن! نۇر-سۇلتان قالاسى كوركەيىپ, ءار شاڭىراق قۋانىش پەن باقىتقا, بولاشاققا دەگەن سەنىمگە تولى بولسىن!
وسى مەرەكە كۇندەرى ءبىز بارشا قازاقستاندىقتارعا مىقتى دەنساۋلىق پەن باق-بەرەكە تىلەيمىز!
مايا بەكباەۆا,
قازاقستان حالقى اسسامبلەياسى
توراعاسىنىڭ ورىنباسارى – رەسمي وكىل
