الداعى كەزەڭدە ەادب ينتەگراتسيالىق تيىمدىلىگى بار ترانسشەكارالىق ينۆەستيتسيالىق جوبالاردى ىسكە اسىرۋعا نازار اۋدارادى. بەس جىلدىق كەزەڭدە بانك ينۆەستيتسيالارىنىڭ جيىنتىق كولەمى 10,9 ملرد دوللاردى قۇرايدى.
ەادب-نىڭ كۇش-جىگەرى «ەۋروپا – باتىس قىتاي» كولىك-تسيفرلى ءدالىزى, ەاەو+ بىرىڭعاي تاۋار وتكىزۋ جەلىسى جانە ورتالىق ازيانىڭ سۋ-ەنەرگەتيكا كەشەنى سياقتى ءىرى ينۆەستيتسيالىق جوبالاردى ىسكە اسىرۋعا باعىتتالاتىن بولادى.
ايماقتىڭ ماكروەكونوميكالىق سيپاتتامالارىن ەسكەرە وتىرىپ, بانككە قاتىسۋشى ەلدەردىڭ ارقايسىسى بويىنشا جەكەلەگەن ستراتەگيا ازىرلەۋ جوسپارلانۋدا. تۇراقتى دامۋ ماقساتتارىنا قول جەتكىزۋ ماقساتىندا ەادب ارمەنيا, قىرعىزستان جانە تاجىكستانداعى ينۆەستيتسيالاردىڭ جيىنتىق مولشەرىن 500 ملن دوللارعا دەيىن جەتكىزە وتىرىپ, مينوريتارلىق اكتسيونەرلەر ەلدەرىندەگى جوبالاۋ قىزمەتىن كەڭەيتەدى.
ەادب جۇمىسىنىڭ باسىم باعىتتارىنىڭ ءبىرى ەاەو+ بىرىڭعاي تسيفرلى كەڭىستىگىن قالىپتاستىرۋ شەڭبەرىندە تسيفرلى قۇزىرەتتەر مەن ينفراقۇرىلىمدى ودان ءارى دامىتۋ بولادى. قويىلعان مىندەتتەردى ىسكە اسىرۋ ءۇشىن 2020 جىلعى ماۋسىمدا بانكتە تسيفرلى باستامالار قورى قۇرىلدى, ول قازىرگى ۋاقىتتا 20-عا جۋىق جوبانى پىسىقتاۋدا. قوردىڭ العاشقى ىسكە اسىرىلعان جوباسى كەلۋشىلەردىڭ پتر-تەستىلەۋى تۋرالى دەرەكتەردى مەملەكەتارالىق دەڭگەيدە ۆەريفيكاتسيالاۋعا ارنالعان «COVID-19-سىز ساياحات» ءموبيلدى قوسىمشاسى بولدى.
2027 جىلعا قاراي ەادب ۇلتتىق جانە حالىقارالىق دامۋ ينستيتۋتتارىنىڭ قاتىسۋىمەن ايماقتا جاڭا جوبالاردى قارجىلاندىرۋ, قۇرىلىمداۋ جانە ۇيىمداستىرۋ بويىنشا كوشباسشى بولۋعا نيەتتى. بۇل رەتتە ا ساناتىنداعى كرەديتتىك رەيتينگ الۋ ءۇشىن اكتسيونەرلەر قۇرامىن كەڭەيتۋ جانە بانك كاپيتالىنا قوسىمشا قاراجات تارتۋ جوسپارلانۋدا.
2020 جىلى ەادب 18 جاڭا جوبا بويىنشا 1,336 ملرد دوللارلىق كەلىسىمگە قول قويدى. بانكتىڭ اعىمداعى ينۆەستيتسيالىق پورتفەلى ونىڭ قىزمەت ەتكەن بارلىق جىلدارىنداعى ەڭ جوعارعى مانگە – 4,4 ملرد دوللارعا دەيىن ۇلعايدى. بۇل رەتتە ينتەگراتسيالىق اسەرى بار جوبالاردىڭ ۇلەسى 64,3% قۇرادى. 2020 جىلى تازا پايدا 32,6 ملن دوللاردى قۇرادى.
بانكتىڭ قارجىلىق تۇراقتىلىعى Moody’s – Baa1, Fitch – BBB+, Standard & Poor’s – ۆۆۆ, اكرا – ا- رەيتينگ اگەنتتىكتەرىنىڭ جوعارى باعالارىمەن راستالادى. ۇلتتىق شكالا بويىنشا رەيتينگتەر: Fitch – AAA (KAZ), اكرا – AAA (RU).
ەادب «جاسىل ەكونوميكانى» دامىتۋدى قولداۋعا ەرەكشە نازار اۋدارادى – جاڭعىرمالى ەنەرگيا كوزدەرى سالاسىنداعى جاڭا جوبالاردى قارجىلاندىرۋ قامتاماسىز ەتىلدى, «استانا» حالىقارالىق قارجى ورتالىعى جانىنداعى جاسىل قارجى ورتالىعىنىڭ جارعىلىق كاپيتالىنداعى ۇلەسى ساتىپ الىندى, وسى سالادا بۇۇ ۇيىمدارىمەن بىرلەسىپ بەلسەندى جۇمىس جۇرگىزىلۋدە.
قاتىسۋشى ەلدەردىڭ ۇلتتىق بانكتەرىندەگى ەادب كوررەسپوندەنتتىك شوتتارى ارقىلى ۇلتتىق ۆاليۋتالاردا ترانسشەكارالىق تولەمدەردى جۇزەگە اسىرۋعا مۇمكىندىك بەرەتىن بانكتىڭ ەسەپ ايىرىسۋ-تولەم جۇيەسى تابىستى جۇمىس ىستەۋدە.
