جيىندا پرەمەر-ءمينيستردىڭ ورىنباسارى رومان سكليار, الماتى قالاسىنىڭ اكىمى باقىتجان ساعىنتاەۆ, الماتى وبلىسىنىڭ اكىمى اماندىق باتالوۆ بايانداما جاسادى. دۇنيەجۇزىلىك بانكتىڭ ورتالىق ازيا بويىنشا باعدارلامالار ۇيلەستىرۋشىسى ساشا دجۋمەنا اگلومەراتسيالاردى دامىتۋ بويىنشا الەمدىك تاجىريبەنى قولدانۋ تۋرالى باياندادى. تالقىلاۋعا ەنەرگەتيكا ءمينيسترى نۇرلان نوعاەۆ, ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ, تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين جانە ت.ب. قاتىستى.
مەملەكەت باسشىسى قاسىم-جومارت توقاەۆتىڭ بيىلعى 17 ناۋرىزدا الماتى قالاسىنىڭ الەۋمەتتىك-ەكونوميكالىق دامۋ ماسەلەلەرى جونىندەگى كەڭەستە بەرگەن تاپسىرمالارىنىڭ ورىندالۋ بارىسى قارالدى.
بىرىڭعاي ينتەگراتسيالانعان كولىك جۇيەسىن قۇرۋ, ينجەنەرلىك, تۇرعىن ءۇي, تۋريستىك جانە الەۋمەتتىك ينفراقۇرىلىمدى دامىتۋ, ءبىلىم بەرۋ جانە دەنساۋلىق ساقتاۋ, كاسىپكەرلىك جانە ينۆەستيتسيالار تارتۋ, قورشاعان ورتانى قورعاۋ جانە الماتى اگلومەراتسياسىنىڭ ەلدى مەكەندەرىن گازداندىرۋ, سونداي-اق الماتى قالاسىنىڭ اينالاسىنداعى ازىق-ت ۇلىك بەلدەۋىن نىعايتۋ جوبالارى تالقىلاندى.
الماتى اگلومەراتسياسىن دامىتۋ جونىندەگى وڭىرارالىق ءىس-شارالار جوسپارى 2030 جىلعا دەيىن 108 ءىس-شارانى ورىنداۋدى كوزدەيدى. جوسپارلاۋ كەزىندە پايدالانىلعان بولجامدارعا سايكەس, قالا تۇرعىندارىن قوسا العاندا, الماتى اگلومەراتسياسىنىڭ حالقى 2030 جىلعا قاراي 1,6 ملن ادامعا ۇلعايادى جانە 4,7 ملن ادامنان اسادى, ولار 860 مىڭ گا استام اۋماققا قونىستانادى. 2020 جىلدان باستاپ جوسپاردىڭ 60 تارماعى بويىنشا جوبالاردى ىسكە اسىرۋ باستالدى, ولاردىڭ 13-ءى اياقتالدى.
پرەمەر-مينيستر بيىلعى 20 تامىزعا دەيىن «ۇلكەن الماتىنىڭ» ءتورت قاناتقاقتى جوباسىن ىسكە اسىرۋ: ەكولوگيالىق پروبلەمالاردى شەشۋ (Green Almaty), بىرىڭعاي كولىك مودەلىن جانە دامۋ ستراتەگياسىن ازىرلەۋ, شوب تسيفرلى كارتاسىن قالىپتاستىرۋ, مونيتورينگ پەن تج الدىن الۋدىڭ كەشەندى جۇيەسىن ازىرلەۋ ماسەلەلەرىن پىسىقتاۋدى تاپسىردى.
تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنە بيىلعى 1 قاراشاعا دەيىن الماتى قالاسىندا تسيفرلى تەحنولوگيالاردى (اT-قۇمسالعىشتار) دامىتۋ جونىندە شارالار قابىلداۋ تاپسىرىلدى.
يندۋستريا جانە ينفراقۇرىلىمدىق دامۋ مينيسترلىگىنە بيىلعى 20 قازانعا دەيىن اگلومەراتسيانىڭ بىرىڭعاي كولىك مودەلىن ازىرلەۋ تاپسىرىلدى.
الماتى قالاسىنا جۇمىس ساپارى اياسىندا ۇكىمەت باسشىسىنا الماتى قالاسى حالىقارالىق اۋەجايىنىڭ جاڭا تەرمينالىن سالۋ جوباسى ۇسىنىلدى, ول جىلدىق جولاۋشىلار اينالىمىن 6 ملن ادامعا ۇلعايتۋعا مۇمكىندىك بەرەدى. ىسكە اسىرۋ مەرزىمى – 2021-2023 جىلدار.
ا.مامين «ايۋساي» سەل ۇستايتىن بوگەتىنىڭ, سونداي-اق الماتى قالاسىنىڭ كولىك جانە الەۋمەتتىك ينفراقۇرىلىم نىساندارىنىڭ قۇرىلىس الاڭدارىنا باردى.
الماتى مەتروسى
ۇزارا تۇسەدى
سونداي-اق پرەمەر-مينيستر اسقار مامين الماتى قالاسىنا جۇمىس ساپارى اياسىندا قالالىق مەتروپوليتەننىڭ دامۋ بارىسىن تەكسەردى.
قازىرگى تاڭدا مەتروپوليتەننىڭ ءبىرىنشى جەلىسىنىڭ جۇمىس ىستەپ تۇرعان 9 مەترو ستانساسىنا قوسىمشا «سارىارقا», «دوستىق» جانە «قالقامان» ستانسالارى سالىنىپ جاتىر, بۇل جەلىنىڭ جالپى ۇزىندىعىن 10,3 شاقىرىمنان 15,9 شاقىرىمعا دەيىن, ال جولاۋشىلار اعىنىن تاۋلىگىنە 46 مىڭنان 93 مىڭ ادامعا دەيىن ارتتىرادى.
وسى جىلدىڭ سوڭىنا دەيىن «سارىارقا» جانە «دوستىق» ستانسالارىندا قۇرىلىس-مونتاجداۋ جۇمىستارىن اياقتاپ, تەحنيكالىق ىسكە قوسۋ جوسپارلانعان. 2022 جىلدىڭ I توقسانىنىڭ سوڭىنا دەيىن ىسكە قوسۋ-رەتتەۋ جۇمىستارىن اياقتاۋ جانە ستانسالاردى پايدالانۋعا بەرۋ كوزدەلگەن.
«قالقامان» ستانساسىندا قۇرىلىس-مونتاجداۋ جۇمىستارى باستالدى.
ۇكىمەت باسشىسى الماتى مەتروپوليتەنىنىڭ ءبىرىنشى جەلىسىنىڭ II كەزەگىن دامىتۋ بويىنشا جوسپارلانعان بارلىق جۇمىستىڭ ۋاقىتىلى جانە ساپالى اياقتالۋىن قامتاماسىز ەتۋدى تاپسىردى.
«التىن وردا»
كولىك ايرىعى پايدالانۋعا بەرىلەدى
پرەمەر-مينيستر اسقار مامين الماتى قالاسىنا جۇمىس ساپارى اياسىندا «التىن وردا» بازارى ماڭىنداعى كولىك ايرىعى – «الماتى-بىشكەك» اۆتوموبيل جولىنىڭ 16-19 كم ۋچاسكەسىن قايتا جوندەۋ بارىسىمەن تانىستى.
جوبا ينجەنەرلىك كوممۋنيكاتسيالاردى قايتا ورناتا وتىرىپ, ۋچاسكەنى 4 جولاقتان 10 جولاققا دەيىن كەڭەيتۋدى, نەگىزگى ماگيسترالدى ەستاكادانى, «تاعا» تۇرىندەگى بۇرىلۋ ەستاكاداسىن, اقساي وزەنى ارقىلى وتەتىن كوپىردى, سونداي-اق جەرۇستى جاياۋ جۇرگىنشىلەر وتكەلدەرىن سالۋدى كوزدەيدى.
ۇكىمەت باسشىسى بارلىق ساپا ستاندارتتارىن قامتاماسىز ەتە وتىرىپ, جۇمىس قارقىنىن ارتتىرۋدى جانە ولاردى بيىل قازان ايىندا اياقتاۋدى تاپسىردى.
«كولىك ايرىعىن وسى جىلعى قاراشا ايىندا پايدالانۋعا بەرۋ قاجەت. جوبا الماتى قالاسى مەن الماتى وبلىسى اراسىنداعى كولىك قاتىناسىن جاقسارتادى», دەدى ا.مامين.
ۇلكەن الماتى اينالما جولىن اياقتاۋدى تاپسىردى
پرەمەر-مينيستر اسقار مامين بيىلعى 1 شىلدە كۇنى الماتى قالاسىنا جۇمىس ساپارى اياسىندا ۇلكەن الماتى اينالما اۆتوموبيل جولىنىڭ ء(ۇاااج) سالىنۋ بارىسىن تەكسەردى.
ءۇاااج – قازاقستان مەن ورتالىق ازياداعى مەملەكەت-جەكە مەنشىك ارىپتەستىك سالاسىنداعى جول قۇرىلىسىنىڭ ءىرى ينفراقۇرىلىمدىق جوباسى. قۇرىلىس-مونتاج جۇمىستارىنىڭ قۇنى 150 ملرد تەڭگەنى قۇرايدى. جوبانى ەۋروپا قايتا قۇرۋ جانە دامۋ بانكى, يسلام دامۋ بانكى, ەۋرازيا دامۋ بانكى قارجىلاندىرادى.
كونتسەسسيا شارتىنا 2018 جىلى 20 جىل مەرزىمگە قول قويىلدى. كونتسەسسيونەر – «السيم الاركو», «ماكيول ينشاات», «سك ەكوپلانت», «كورەيا ەكسپرەسسۆەي» سەكىلدى تۇركيا جانە وڭتۇستىك كورەيا كومپانيالارى قۇرعان ء«ۇاااج ينۆەستيتسيالار جانە وپەراتسيالار» جشس.
الماتى قالاسىنىڭ توڭىرەگىندەگى ۇزىندىعى 66 شاقىرىمدىق جانە التى جولاقتى قوزعالىستى ۇلكەن اينالما اۆتوموبيل جولى I تەحنيكالىق سانات پارامەترلەرىنە سايكەس كەلەتىن بولادى. اۆتوجول قۇرىلىسىمەن قاتار جاڭا كوپىرلەر, كولىك جولايرىقتارى مەن ەستاكادالار سالۋ كوزدەلگەن.
جوبانى ىسكە اسىرۋ كولىك قىزمەتىن كورسەتۋ ساپاسىن ارتتىرادى, جول قوزعالىسى قاۋىپسىزدىگىن قامتاماسىز ەتەدى, اۆتوموبيل كولىگىنىڭ قورشاعان ورتاعا تەرىس اسەرىن ازايتادى. ءۇاااج پايدالانۋعا بەرىلگەننەن كەيىن بارلىق ترانزيتتىك اعىن – تاۋلىگىنە شامامەن 38 مىڭ اۆتوموبيل الماتى قالاسىن اينالىپ وتەتىن بولادى. بۇل رەتتە قىتاي مەن ەۋروپا اراسىنداعى جۇك تاسىمالداۋ كولەمى وسەدى دەپ كۇتىلۋدە.
قۇرىلىس الاڭىنا شامامەن 1600 ادام مەن 600 بىرلىك تەحنيكا جۇمىلدىرىلعان. قۇرىلىس اسا بەلسەندى جۇرگىزىلەتىن كەزدە 3 مىڭعا جۋىق ادامدى تارتۋ جوسپارلانىپ وتىر.
ۇكىمەت باسشىسى قۇرىلىس-مونتاجداۋ جۇمىستارىنىڭ قارقىنىن ارتتىرۋدى جانە بارلىق ساپا ستاندارتتارىن قامتاماسىز ەتە وتىرىپ, كەستەدەن 2 جىلعا ەرتەرەك, جۇمىستى 2022 جىلدىڭ سوڭىنا دەيىن اياقتاۋدى تاپسىردى. ء«ۇاااج قۇرىلىسى الماتى اگلومەراتسياسىن عانا ەمەس, سونداي-اق جالپى ەلدىڭ ترانزيتتىك-كولىك الەۋەتىن دامىتۋ ءۇشىن دە ماڭىزدى», دەدى ا.مامين.
