بۇگىن وبلىس ورتالىعىندا 30 وتباسى مەن زەرەندى اۋىلىنىڭ 36 وتباسى كەزەكتە تۇرعاندار مەن حالىقتىڭ الەۋمەتتىك وسال توپتارىنا ارناپ سالىنعان جاڭا ۇيلەردەن پاتەر كىلتتەرىن الدى.
وبلىس اكىمى ەرمەك مارجىقپاەۆ اقمولالىقتاردى قۋانىشتى وقيعامەن قۇتتىقتادى.
«قازاقستان رەسپۋبليكاسى تاۋەلسىزدىگىنىڭ 30 جىلدىعىن مەرەكەلەۋ اياسىندا سىزدەرمەن بىرگە وسى تاماشا وقيعانىڭ قۋانىشىن بولىسكەنىمە وتە قۋانىشتىمىن. تۇرعىندار كوپتەن كۇتكەن جاڭا پاتەرلەردىڭ كىلتتەرىن تابىستاۋ وبلىس ءۇشىن ماڭىزى زور وقيعا. سىزدەردى قونىس تويىمەن قۇتتىقتايمىن!», دەپ اتاپ ءوتتى ايماق باسشىسى.
گۇلنار كاجىموۆا 2013 جىلى جاس وتباسى ساناتى بويىنشا تۇرعىن ءۇي كەزەگىنە تۇردى.
«بۇگىن ءبىز ءۇشىن باقىتتى كۇن. ارمانداعان پاتەرىمىزدى الدىق, ەندى ءبىزدىڭ دە ءوز ۇيامىز بار», دەپ ءبولىستى قالا تۇرعىنى گۇلنار كارىموۆا.
ايتا كەتسەك, زەرەندى اۋدانىندا حالىقتىڭ الەۋمەتتىك وسال توپتارى ءۇشىن تاعى ءبىر 45 پاتەرلى تۇرعىن ءۇي قۇرىلىسى جوسپارلانعان. بيىل كوكشەتاۋدا مەملەكەتتىك باعدارلاما اياسىندا 17 كوپپاتەرلى تۇرعىن ءۇي سالىنۋدا.
سونداي-اق, جاقىندا 32 وتباسى ەسىل اۋدانىنىڭ ورتالىعىندا سالىنعان كوپقاباتتى ءۇيدىڭ جاڭا قونىستانۋشىلارى اتاندى.
سونداي-اق جەرگىلىكتى جەرلەردە كادرلاردى بەكىتۋ ماقساتىندا مەديتسينالىق قىزمەتكەرلەر, ءبىلىم بەرۋ سالاسىنىڭ قىزمەتكەرلەرى جانە تۇرعىن ۇيلەرى اپاتتى دەپ تانىلعان تۇرعىندار تۇرعىن ۇيمەن قامتاماسىز ەتىلدى. ولاردىڭ كوپشىلىگى ۇزاق جىلدار بويى تۇرعىن ءۇي كەزەگىندە تۇردى.
تۇرعىن ءۇي باعدارلاماسىن ىسكە اسىرۋدىڭ سوڭعى ءتورت جىلىندا وڭىردە 2 ميلليون شارشى مەتردەن استام تۇرعىن ءۇي سالىنىپ, 17 مىڭ وتباسى جاڭا قونىستانۋشىلار اتاندى.
