ونىنشى رەت وتەتىن باسەكەگە ەلىمىزدىڭ 14 وبلىسى مەن الماتى, شىمكەنت, نۇر-سۇلتان قالالارىندا ىرىكتەۋدەن وتكەن 37 ۇزدىك بالۋان قاتىسادى, ونىڭ ىشىندە جوبانىڭ جەڭىمپازدارى – ايبەك نۇعىماروۆ, مۇحيت تۇرسىنوۆ, ەلامان ەرعاليەۆ بار.
ءتۋرنيردىڭ ەڭ اۋىر سالماقتى بالۋانى ەراسىل قاجىباەۆ 153 كەلى تارتسا, ەرسۇلتان مۇزاپپاروۆ ەڭ جەڭىل سالماق كورسەتتى (90 كەلى).
نۇر-سۇلتان قالاسىنىڭ دەنە شىنىقتىرۋ جانە سپورت باسقارماسىنىڭ باسشىسى بالۋاندار باسەكەسى ەلوردا اكىمدىگىنىڭ تىكەلەي قولداۋىمەن ءوتىپ جاتقانىن اتاپ ءوتتى.
ء«داستۇرلى «قازاقستان بارىسى» جوباسى وزدەرىڭىز بىلەتىندەي بيىل ونىنشى رەت ۇيىمداستىرىلادى. ءدۇبىرلى دوداعا ەلىمىزدىڭ ءار وڭىرىنەن ىرىكتەلگەن ۇزدىك بالۋاندار قاتىسقالى وتىر. ءبىزدىڭ ەلوردامىزدىڭ ناماسىن بۇل باسەكەدە ايبات سەيتەن مەن ولجاس شىنكەەۆ قورعايدى. بالۋاندارىمىزدىڭ باعى مەن بابى كەلىسىپ جەڭىس تۇعىرىنان كورىنەدى دەپ سەنەمىز», دەدى باسقارما باسشىسى.
ەلوردامىزدىڭ تورىندە وتەتىن باسەكە كارانتين تالاپتارىنا ساي كورەرمەندەرسىز ۇيىمداستىرىلادى.
ءتۋرنيردى Qazaqstan جانە Qazsport تەلەارنالارى ارقىلى تىكەلەي ەفيردەن تاماشالاۋعا بولادى. سونىمەن قاتار رەسەيدىڭ «ماتچ! پلانەتا» جانە «بوكس تۆ», تۇركيانىڭ «ترت اۆاز» تەلەارناسىنان تىكەلەي ەفيردە كورسەتىلەدى.
